Gjykata e Tiranës ka caktuar “arrest me burg” 34-vjeçarin Darin Gezdarin, ndërsa ka dhënë “arrest shtëpie” për 41-vjeçaren Arlinda Marku. Të dy ata akuzohen për pastrimin e 11 milionë eurove përmes kompanive fiktive. Rezultojnë 5 subjekte që ata kanë në Shqipëri nga të dhënat në QKB.
Gjatë seancës gjyqësore avokatët e tyre kanë kërkuar zbutje të masës, ndërsa vetë Gezdarin dhe Marku nuk kanë pranuar të flasin.
Sipas akuzës, skema e mashtrimit u zhvillua në dy vite, ku dy të ndaluarit kanë bashkëpunuar më njëri-tjetrin duke shfrytëzuar mundësinë nga shtete që konsiderohen parajsa fiskale si Qipro, Giblartar, Maltë. Në deklaratë thuhet se paratë fillimihst vinin në Shqipëri e më pas transferoheshin në Kanda. I gjithë aktiviteti i dyhsuar kriminal është kryer në fuksion të pastrimit të produktit të veprës penale.
Operacioni “Coast to coast”, kundër evazionit fiskal dhe pastrimit të parave është duke vazhduar për të kërkuar nëse ka emra të tjerë të përfshirë qoftë shtetas shqiptarë apo edhe të huaj. Dyshimet për skemën u ngritën fillimisht Nga Drejtoria Hetimit Tatimor e më tej u përfshi Seksioni i Hetimit të Pastrimit të parave në Tiranë dhe Agjencia e Inteligjencës Financiare.
j.l./ dita
