Kreu i KQZ, Ilirjan Celibashi argumentoi në një prononcim për mediat pse mungoi sot një vendimmarrje lidhur me listat e paraqituara nga PD për anëtarë të KZAZ-ve.
Prononcimi erdhi pas miratimit për anëtarë të KZAZ-vë të partive PS, PL dhe PSD.
Celibashi sqaroi se po kryhet verifikimi i dokumentacionit për PD, ndërsa theksoi se vendimi i KQZ do të bazohet strikt në Kodin Zgjedhor.
“Jemi në proces të verifikimit të dokumentacionit të paraqitur nga foto për KZAZ. Jemi përballë dy listave, një nga z. Noka dhe një nga z.Sefa, përfaësues legjitim i PD në KQZ. Për të mos bërë hipokritin, situata është e tillë që duhet të konkludojmë, mbi legjitimitetin e personit që do duhet të përfaqësojë interesat e PD në KQZ.
Duke ritheksuar për të gjitë ata që duan të dëgjojnë, vendimmarrja e KQZ do të jetë strikt bazuar në Kodin Zgjedhor. Mbetet e padiskutueshme c’kam thënë, vendimmarrja do të jetë sipas ligjit, do jetë e thjeshtë nuk kam asnjë problem, droje apo siklet për të marrë këtë vendim”, u shpreh Celibashi.
Sipas tij marrja e një vendimi në këtë moment është mjaft e thjeshtë, por duke e cilësuar “procesin zgjedhor”, mjaft të rëndësishëm për një vend demokratik, theksoi faktin se institucione përkatëse duhet të ndërhyjnë për një zgjidhje më pranuese.
“Procesi zgjedhor është një proces juridik dhe politik, ndoshta më i rëndësishme në një vend demokratik. Për këtë arsye vendimmarrja bëhet në një afat të shkurtër. Ka çështje për individin shumë të rëndësishme nëpër gjykata dhe megjithatë, sistemi që ne kemi i ka injoruar dhe i ka dhënë rëndësi këtij procesi. Këto janë në krye të interesave, pasi këto janë të lidhura me shtetin demokratik. Për mua kjo është e thjeshtë. Nëse nesër do të kemi një kërkesë, do ta shqyrtoj dhe do të marr vendimin. Në kuadër të këtij diskutimi dhe për të pasur zgjedhje të rregullta do të duhet të vendosim për disa çështje. Nuk e di nëse duhet të jetë Gjykata apo institucione të tjera që duhet të ndërhyjnë,” tha ndër të tjera Celibashi.
j.l./ dita
