Kryetarja e Komisionit të Organizimit dhe Kontrollit të Operacioneve Elektorale, Albana Vokshi ka prezantuar sot 26 emra kandidatësh të miratuar nga Kryesia për të marrë pjesë në procesin e primareve brenda Partisë Demokratike.
Për garën e Bashkisë së Elbasanit, është miratuar vetëm nënkryetari i PD-së, Luçiano Boçi, ndërsa për kryeqytetin, janë miratuar 7 emra.
Në Shkodër garon vetëm Bardh Spahia, i cili aktualisht mban postin e kryebashkiakut në qytetin verior.
Vokshi: Bazuar në vendimin numër 38 datë 1 Tetor 2022 të Kryesisë dhe Këshillit Kombëtar të Partisë Demokratike, bazuar në udhëzimet 11, 12, 13 të Komisionit për Organizimin dhe Kontrollin e Operacioneve Elektorale, ky Komision pranë PD-së, mori në shqyrtim të gjithë dokumentacionin e ardhur për të gjithë kandidatët që janë propozuar në të gjitha degët e PD-së, por që kanë pranuar kandidimin dhe plotësuar dokumentacionin dhe gjithashtu edhe dokumentacionin e të gjithë kandidatëve të vetëpropozuar.
Siç edhe ju është bërë me dije, interesi ka qenë i lartë. Janë mbi 200 kandidatura që janë shqyrtuar. KOKOE ka qenë i mbledhur dhe ka punuar me intensitet dhe sot i ka paraqitur kryesisë së PD-së, për të gjithë kandidatët e 26 degëve dhe në ditët në vijim ne do të vazhdojmë të jemi të mbledhur për të paraqitur kryesisë së PD-së për vendimmarrje kandidaturat e degëve që nuk u morën dot sot në shqyrtim.
a.m/dita
Albania Vokshi ose Pamela Anderson e parlamentit shqiptar. Perse nuk kandidoni ju dhe balsa e Azem Hajdarit dhe te shikoni se sa ju vlen lekura perpara elektoratit.