Ministri i Mbrojtjes, Niko Peleshi, nga foltorja e Parlamentit ku po diskutohet projektbuxheti i vitit 2023 deklaroi se vitin e ardhshëm parashikohet një tjetër rritje për pagat e të gjithë ushtarakëve.
“Kam një lajm shumë të mirë për shtresën që përfaqësoj, për gjithë ushtarakët, rreth 7000, që do të përfitojnë një rritje të re të pagës me këtë buxhet. Nga korriku, ata marrin 30% më shumë pagë, në janar mbi këtë 30%, shtohet edhe 7%. Pra, është një rritje 40% e pagës. Nëse një ushtarak që merrte 500 mijë lekë në 2022, tani do të marrë 700 mijë lekë, kjo është për pagën më të ulët dhe vijon për të gjithë deri në pagat më të larta”, tha Peleshi.
“Ky është një vizion i qeverisë shqiptare. Kryeministri e ka thënë dhe po e mbajmë këtë fjalë që do të rrisim çdo vit pagat e Forcave të Armatosura, pavarësisht se jemi në kushtet e një buxheti rezistence, pra do të rritet çdo vit derisa të kalojmë vendet e Ballkanit Perëndimor. Pra, pagat të jenë dinjitoze, Forcat tona të jenë dinjitoze”, shtoi ministri i Mbrojtjes.
j.l./ dita
Sa po i rrisni pagat dhe ju lutem a na thoni sa perqindje ne buxhet zene shpenzimet ne ushtri.