Ministri i Mbrojtjes, Niko Peleshi u shpreh pas mbledhjes së qeverisë se kanë marrë një vendim që nuk merret shpesh.
Ai njoftoi se nga 1 korriku do të rriten me 30% pagat e të gjithë ushtarakëve në vend.
“Kemi marrë një vendim që nuk merret shpesh. Në 30 vite nuk ka pasur një vendim si ky që lidhet me trajtimin me pagë të personelit ushtarak. Kemi bërë rritjen historike të pagës. Jam krenar dhe mirënjohës që premtimi i kryeministrit është jetësuar. Të gjithë ushtarakët, nga ushtari i parë, tek gradat më të larta, nga data 1 korrik, do kenë një pagë 30% më të lartë. Është më shumë se 51 mijë lekë të reja. Plus pagesa shtesë të trajtimit ushqimor. Kemi hartuar dhe një aneksë, një listë me 30 pozicione që marrin një shtesë tjetër mbi shtesën e pagës. Mund të veçoj atë që është e para në listën e shtesave. Është struktura ushtarake e mbrojtjes kibernetike. Përveç shtesës 30% do të marrë dhe 20 mijë leke të reja mbi këtë pagë për shkak të rëndësisë. Shtesa kemi parashikuar edhe për pozicione të tjera.”, tha Peleshi.
j.l./ dita
Sikur te zbatohet ajo “Gjithe populli Ushtar” e kohes Enverit nga kjo Rilindja e Rames e te rrisnin ca rrogat ashtu ne pergjithesi te gjitha se helbete, kemi dhe civile ne mes tone jo vetem kapele oficeresh!