Albi Muhollari ka dalë sot para Oficerëve të Policisë Gjyqësore mjaft rëndë psikologjikisht. Fillimisht ka qenë i qetë dhe ka kërkuar të pinte vetëm ujë.
Shpesh, 24-vjeçari është dëgjuar t’i ketë thënë vetes: Çfarë është kjo që kam bërë kështu? Kjo nuk ka falje.
OPGJ në praninë e avokatit ditën e djeshme e ka marrë në pyetje 24 vjeçarin për vrasjen e nënës së tij.
Muhollari ka pranuar krimin dhe njëkohësisht ka refuzuar të japë shpjegime për ngjarjen duke thënë se do ti bëj të ditura arsyet në një moment tjetër pasi nuk ishte në gjendje.
I riu që mbyti nënë e tij me plastmas pak ditë pasi ishte kthyer nga Amerika ishte ekselent në mësime, studionte dhe punonte në Amerikë. Të afërmit e njihnin si person të qetë, pa precedent të mëparshëm. Dyshohet se ngjarja ka ndodhur në kushtet e tronditjes mendore, pas i riu mendohet se vuante nga depresioni.
