Nga mbi 1.7 milionë votat e hedhura më 11 maj, brenda dhe jashtë vendit, thuajse të gjitha janë numëruar, kur bëhet fjalë për ato për partitë politike. Në ‘apel’ mungojnë vetëm votat e shqiptarëve të Greqisë. Hapja e mbi 53 mijë zarfeve është kthyer në problemin më serioz të procesit të numërimit.
Aktualisht të gjitha votat nga vendi fqinj janë të ndara veçmas, në kuti të ndryshme për të 12 qarqet. Shkak për këtë ndarje u bë një kërkesë e Partisë Demokratike që kur kutia e parë u hap, me pretendimin e manipulimeve, kërkesë që u pranua nga Kryekomisioneri Celibashi.
Çdo zarf i Greqisë u kontestua dhe u veçua. Vendimi i Celibashit u rrëzua nga Komisioni i Ankimeve dhe Sanksioneve, vendimmarrja e të cilit u dërgua në Kolegjin Zgjedhor nga Partia Demokratike.
Megjithatë jemi përballë faktit të kryer që të gjitha zarfet e Greqisë janë ndarë tashmë më vete, dhe një vendim i Kolegjit nuk do të zgjidhte asgjë.
Për t’i dhënë një drejtim numërimit, komisioni zonal për votimin e diasporës, siç Kodi Zgjedhor e detyron, u përpoqën të marrin një vendim për të konkluduar se çdo të ndodhte me votat e konsideruara të kontestuara. Duke qenë se janë të ndarë politikisht në barazim, votimi i Komisioneve ishte 2 me 2 dhe vendimmarrja nuk u arrit.
Për ta zgjidhur problemin Partia Socialiste iu drejtua me një kërkesë tjetër kryekomisionit Ilirjan Celibashi, që të merrte ai një vendim. Kodi Zgjedhor thotë se kur një KZAZ nuk arrin dot vendimmarrjen, zgjidhja i kalon KQZ-së. Pritet që kryekomisioneri Ilirjan Celibashi të vendosë të premten në 09:30 se çfarë do të ndodhë me votën e Greqisë.
Më herët ai ka thënë se votat do numërohen por mënyrën se si e ka lënë evazive. PD kërkon që të votohen vetëm ato që kanë firma të personit votues, pasi pretendon se ka edhe zarfe që nuk janë firmosur nga zgjedhësi kur janë marrë ose kur janë dorëzuar. Për këtë Celibashi ka kërkuar nga kompania DHL dokumentacionin me firmat, kërkesë e bërë nga PD, duke paralajmëruar një tjetër situatë bllokimi.
Partitë garuese do kenë nga një vëzhgues për çdo grup numërimi në Parkun Olimpik dhe nga një vëzhgues për secilin qark. Shoqëria Civile duhet të aplikojë deri të premte në 12:00, ndërkohë subjektet politike kishin afat për të aplikuar për vëzhgues të rinj deri mesnatën e së enjtes.
PS ka akuzuar Celibashin për shkelje të ligjit me pranimin që në fillim të kërkesës së PD për të bllokuar këtë numërim. Këtë të premte mund të vendoset hapja dhe numërimi i 53 mijë zarfeve nga Greqia.
Si te numurohen,si te mos numurohen nuk ndryshojne gje.Shpresoj qe Agron Shehaj te mbetet me 2 deputete,
Radhen tjeter Kryeminister.Partite e Reja jane e Ardhmja.
.Me një fjalë Greqia e bëri punën e vet, gjysmat i mbajti në Greqi dhe gjysmat i “rregulloi,, çuni i Kryetarit të Degës Punëve Brëndëshme. Tallët bythën me ne të Greqsë, thjeshtë na futët në listat e “asfalias,, dhe ata që kishin shpëtuar.
Kam pershtypjen se po perseritet radioloja e xhambasadorit ArviZI qe me menge te perveshura beri lojen e MAGJISTARIT ne kutite e mallkuara me votat e gabuara…Imagjinoni..Lul Bash Berishen,,atehere ne 8 maj 2011 si yll ne qitje i Arvizise dhe kanakari i Juri Qimes Bidenit fitoi votimet duke humbur.. Luli i Arvizuse dhe QImes Bidenit mori 0 deputet si pjese e radiolojes…Sot shteti grek me merimangat e tij ne administraten shqiptare bashke me berishistet kane nje shtet paralel te fuqishem qe po paralizon PS & Ramen qe kur Qelibashi ( kunati i Fatmir Mediut garantit te Lacivites) mbylli syte para kandidimit te Belerit qe ne 2017…Pse kjo ngathtesi dhe frike nga PS-ja kur populli i ka dhene fuqi te mjaftueshme per te vene ligjin ne vend ?
Pse shoqeria civile dhe sidomos mediat
pranojne urinimin nga nje kriminel buze varrit
jo vetem nga mosha por dhe politikisht ??