Personat që janë në ngarkim të një personi që vdes – i cili kishte kushte për përfitimin e njërit nga llojet e pensioneve ose merrte pension – kanë të drejtë të marrin pension familjar.
Pensioni Familjar është pjesë e pensionit që kishte ose i takonte personit që ka ndërruar jetë.
Rubrika e posaçme në DITA, versioni print i gazetës, sqaron sot kushtet e përcaktuara në Ligjin për Sigurimet Shoqërore, në lidhje me masën e përfitimit të këtij pensioni:
– Personi i mbetur i ve, merr 50% të pensionit që gëzonte ose do të gëzonte i/e ndieri/a, kur është i e vetëm. Dhe për çdo pjesëtar tjetër, merr 25 për qind. Por me kusht që shuma e pensionit, të mos kalojë 100 për qind të masës së tij.
– Kur e veja nuk është pjesëtare e pensionit familjar, dhe përfitues është vetëm një jetim, masa e pensionit për jetimin është 50 për qind e pensionit që gëzonte ose do të gëzonte i ndjeri.
– Ndërsa në rastet e tjera kur e veja nuk është pjesëtare e pensionit familjar, dhe përfitues janë dy ose më shumë persona, masa e pensionit familjar për secilin prej tyre është 25 për qind, por jo më shumë se 50% e pensionit që gëzonte ose do të gëzonte i ndjeri.
Pra shuma e një Pensioni Familjar nuk duhet të kalojë masën e pensionit që merrte ose do të merrte personi që vdes.
– Jetimi merr pension familjar edhe nëse prindi që jeton është i punësuar, është ekonomikisht aktiv ose merr një pension si të drejtë të tij. Në këtë rast masa e pensionit për çdo jetim ose person tjetër që përfiton është 25 për qind e pensionit që i takonte të ndjerit, por jo më tepër se 50 për qind e tij.
– Jetimi që humbet të dy prindërit merr një pension jetimi për secilin prej tyre.
Kërkesën për vazhdimin e pensionit familjar, kur mbaron afati i pagesës, përfituesi e paraqet në agjencisë lokale të sigurimeve shoqërore të e vendbanimit, sipas gjendjes civile, duke i bashkangjitur dokumentacionin e kërkuar.
p.k\dita
Më në fund po i afrohemi dalngadalë Europes.
Një duartrokitje për Qeverinë, nëse kjo qe lexova sot , do jete e vertetës!