Vendi është përfshirë mbrëmjen e djeshme nga reshje me intensitet të lartë. Reshjet të shoqëruara edhe me rrufe ishin më intensive në zonën e Durrësit, Shijakut, Fushë Krujës dhe Lezhës, ndërsa me kalimin e orëve ato u shtrinë edhe në jug.
Gjatë natës, në disa zona të vendit, pati stuhi me shi, erë të fortë dhe rrufe, të cilat reflektohen edhe në të dhënat satelitore të agjencive të motit në Europë.
Sa i përket ditëve në vijim, Shqipëria do të karakterizohet nga temperatura jo shumë të larta gjatë këtyre ditëve për shkak të masave ajrore të freskëta që vijnë nga veriu. Deri në dielën në mbrëmje, në zona të ndryshme të vendit do të vërehen reshje të moderuara shiu.
Sipas Meteoalb, zona me reshjet më të dendura do jetë pjesa malore mes Vlorës dhe Tepelenës, ndërkohë që gjatë bregut, duke filluar nga Velipoja deri në Ksamil, reshjet priten të jenë me intensitet shumë të ulët.
i.b. / dita
Po cfare i shkaktoi? vetem kete nuk na e the!
Intensiteti
E lexova artikullin tuaj disa herë më vëmendje se isha kurioz të dija se çfarë i shkaktoi shirat dhe stuhinë ditën e djeshme por nuk doli në asnjë rresht.Ju lutem mos e ulni nivelin gazetaresk deri në pikën që të jepni lajme sensacionale në titull dhe ordinere në përmbajtje!