Procesi i numërimit të votave në të gjitha bashkitë ku u mbajtën zgjedhjet e pjesshme dje ka përfunduar. Vihet re një dominim i qartë i Partisë Socialiste, e cila fitoi me diferenca të mëdha ndaj kandidatëve të opozitës dhe atyre të pavarur.
Ervin Ceca i Partisë Socialiste është shpallur zyrtarisht kryetar i ri i Bashkisë së Beratit, pas numërimit të të gjitha 116 qendrave të votimit. Ai ka marrë 13,050 vota, që përbëjnë 83.35% të totalit, duke fituar me një diferencë prej 10,443 votash ndaj kandidatit të pavarur Pavlo Shkarpa, i cili ka marrë 2,607 vota.
Florenc Doka i PS, ka fituar me një rezultat të qartë në Bashkinë e Cërrikut. Ai ka marrë 6,201 vota (66.22%), duke lënë pas Amarildo Hoxhën me 1,888 vota dhe Eligert Himën me 1,275 vota.
Gramos Sako i Partisë Socialiste ka fituar Bashkinë e Tepelenës me 3,261 vota, që përbëjnë 77.85% të totalit. Kundërshtari i tij, Gabriel Guma, i propozuar nga zgjedhësit, ka marrë 928 vota.
Brunilda Mersini, e propozuar nga Partia Socialiste, është zgjedhur kryetare e re e Bashkisë së Vlorës me një fitore të thellë. Ajo ka marrë 15,672 vota (78.44%), duke lënë pas Dionis Sota me 2,333 vota dhe Gjergji Nika me 1,975 vota.
Altin Bojni i Partisë Socialiste ka fituar Bashkinë e Matit me 7,425 vota (66.6%). Kundërshtari i tij, Eduart Brahilika, ka marrë 3,184 vota, ndërsa Suzana Tahir Pasha 549 vota.
j.l./ dita
pjesmarrje qesharake ne zgjedhje, po kujt i plas, psikopati ne tirane me debilet e tij ne rrethe vazhdon mbreterimin
Tom , “psikopatit” t’i rruash karin . Mos e ka marrë gjë pushtetin me grusht shteti ? Me vota e ka marrë dhe mund t’a marrë edhe 100 herë të tjera po të dojë .