Përplasen dy makina në rrugën Transballkanike në Vlorë, dy të plagosur shoqërohen në spital

Një aksident ka ndodhur sot në mbrëmje në rrugën transballkanike në Vlorë.

Dy makina janë përplasur me njëra-tjetrën ku njëra prej tyre përfundoi mbi rrethrrotullim.

Si pasojë e aksidentit mbetën të plagosur dy persona, të cilët u dërguan në spitalin rajonal të Vlorës.

Policia ka mbërritur në vendngjarje dhe po punon për zbardhjen e plotë të aksidentit.

Njoftimi i policisë:

Rreth orës 19:30, në rrugën “Gjergj Kastrioti”, në vendin e quajtur rrethrrotullimi i Omonies, një automjet tip “Benz” me drejtues shtetasin V. B., është përplasur me një automjet tip “Audi” me drejtues shtetasin E. R. Si pasojë e përplasjes kanë mbetur të dëmtuar dy drejtuesit si dhe një pasagjer në automjetin “Audi”, shtetasi A. C., të cilët ndodhet në spitalin e Vlorës, nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

a.m/dita