Plagoset një person në Durrës. Dy të rinj janë konfliktuar me njëri-tjetrin duke përdorur mjete prerëse. Për pasojë, një prej tyre ka mbetur i lënduar. Ambulanca ka bërë të mundur transportimin e tij në spital, për të marrë ndihmë mjekësore.
Konflikti ka ndodhur në sheshin ‘Pranvera’ në qytetin bregdetar, në momentin kur në rrugë kishte njerëz. Nuk dihet ende motivi i konfliktit mes të rinjve mirëpo policia ndodhet në vendin e ngjarjes.
NJOFTIMI I POLICISË:
Plagosi me mjet prerës(thikë), një 16-vjeçar, gjatë një konflikti për motive të dobëta, kapet menjëherë nga shërbimet e Policisë dhe vihet në pranga autori i dyshuar. Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi A. M. ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve. Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. M. Vijon puna për dokumentimin e plotë të kësaj ngjarjeje.
a.m/dita
