Gjykata e Lezhës ka dënuar ditën e sotme me 30-vite burg Albert Kacen, i cili përplasi për vdekje me makinë ish-kunatin e tij, Ylli Mena, në Ishull-Lezhë.
32-vjeçari u gjet fajtor për veprën “Vrasje e kryer brenda rrethit familjar”. Vendimi u dha në mungesë nga trupa gjykuese e kryesuar nga gjyqtari Artan Hajredinaj, ndërsa prokuroria kishte kërkuar dënimin e të pandehurit me 35-vite burg.
Babai i viktimës, Preng Mena paralajmëroi ankimin të vendimit në Gjykatën e Apelit në Shkodër. Ai akuzoi policinë dhe prokurorinë se nuk kanë hetuar siç duhet duke fshehur provat. Po ashtu, Mena kërcënon me vetëgjyqësi nëse nuk do ndëshkohen dhe tre personat e tjerë që sipas tij janë bashkëpunëtor në vrasjen e djalit të tij.
“Nëse nuk dënohen dhe 3 shokët e autorit do bëj vetëgjyqësi”, ka thënë ai.
Ngjarja ndodhi me 21-shtator të vitit 2019-të në Ishull-Lezhë, teksa 32-vjeçari Ylli Mena po lëvizte me biçikletë u përplas nga një automjet dhe gjeti vdekjen disa orë më vonë në spitalin e Traumës në Tiranë, pasi nuk mundi t’ju mbijetojë plagëve të marra. Fillimisht u dyshua për aksident, por pas veprimeve hetimore rezulton se ngjarje ishte e qëllimshme dhe policia shpalli në kërkim 32-vjeçarin Albert Kaca. Autori dhe viktima kishin patur konflikte më njëri tjetrin që pas divorcit te Ylli Menës me motrën e 32-vjeçarit Kaca.
j.l./ dita
Kush fitoi nga kjo ngjarje? Askush nuk fitoi por vetem humben.