Pas arrestimit të Agasit në zonën e “Pleave në Durrës”, u publikuan disa foto nga momenti i arrestimit.
Një prej tyre është fotoja e Agasit me pranga në duar brenda makinës së policisë.
Më pas u publikua edhe një tjetër foto e Agasit brenda ambienteve të Policisë së Tiranës, ku u dërgua për ekzekutimin e masës së sigurisë.
Nga ambientet e Policisë së Tiranës, u publikua edhe një foto e ish-policit të shpallur në kërkim, Shpataraku, i cili drejtonte mjetin “Audi”, në të cilin ndodhej edhe Ergys Agasi.
Drejtoria e Standardeve Profesionale në Policinë e Shtetit thotë se ka nisur një hetim administrativ pas publikimit të fotove.
Dy efektivë të Shqiponjave janë pezulluar nga detyra, deri në sqarimin e plotë të rrethanave.
