Një sherr për motive banale i ndodhur në lagjen “Tasim Shehu”, të kryeqytetit ka degjeneruar mbrëmjen e djeshme deri në përdorimin e armës, duke shkaktuar plagosjen e një personi.
Shtetasi me inicialet A.O., 49-vjeç ka plagosur 23-vjeçarin me iniciale R.M., pasi më parë ishin zënë në një lokal të zonës.
Pas përplasjes në lokal, 49-vjeçari e ka qëlluar të riun me armë në një rrugicë aty pranë.
Njoftimi i Policisë:
Më datë 23.08.2022, rreth orës 21:50, në rrugën “Tasim Shehu”, si pasojë e një konflikti të çastit, shtetasi A. O., 49 vjeç, dyshohet se ka plagosur me armë zjarri, fqinjin e tij, shtetasin R. M., 23 vjeç.
Shtetasi R. M., si pasojë është dëmtuar dhe ndodhet në spital, nën kujdesin e mjekëve.
Grupi hetimor po punon për sqarimin e plotë të rrethanave të ngjarjes dhe për kapjen e autorit.
j.l./ dita
