Florjan Gjoka është 25-vjeçari i arrestuar si autor i dyshuar i plagosjes së 51-vjeçarit Martin Prenga, në Fan të Mirditës. Së bashku me të është ndaluar edhe një person tjetër.
Plagosja me armë zjarri ndodhi mbrëmjen e djeshme në autostradën Rrëshen-Kukës, në Fan, ku i lënduar mbeti 51-vjeçari, Martin Prenga. Policia ka sekuestruar dhe armën me të cilën u qëllua 5 herë në pjesën e këmbëve.
Prenga u dërgua fillimisht për të marrë ndihmë mjekësore në spitalin e Rrëshenit, dhe më pas u nis për mjekim më të specializuar drejt spitalit të Traumës në Tiranë.
Sipas policisë, nga hetimet dyshohet se ngjarja ka ndodhur pas një konflikti të çastit të shtetasit Martin Prenga me dy personat.
Mediat bëjnë me dije se i plagosuri, Martin Prenga, është një person me precedent të mëparshëm penal dhe i dënuar më parë.
a.m/dita
