Drejtuesi teknik i një firme në Krujë është arrestuar nga policia ditën e sotme. Në pranga ka rënë 48 vjeçari Marjan Bushaj. Shkak është bërë incidenti i ndodhur ditën e djeshme brenda një pallati, ku ashensori zuri poshtë dy punëtorë të firmës që ai drejtonte.
Gjatë orarit të punës, ashensori i pallatit në lagjen ‘Zim Zenel’ të Krujës ka zënë poshtë dy punëtorët, Artan Bahiti dhe 50 vjeçarin turk Z.S.
Të dy këta të fundit po marrin ndihmën e nevojshme mjekësore në spital, ndërsa gjendja e shtetasit turk paraqitet të jetë më e rëndë.
