Një plagosje me armë zjarri ka ndodhur këtë mbrëmje në qytetin e Shkodrës.
Ngjarja ka ndodhur brenda një lokali në fshatin Stom-golem.
Mësohet se është plagosur me armë zjarri 75-vjeçari, Lulash Qepuri.
Ai është qëlluar me armë brenda lokalit të tij, teksa autori ka hyrë i maskuar dhe e ka qëlluar, duke e lënë të plagosur rëndë.
Më pas ai ka ndërruar jetë, duke mos i mbijetuar plagëve të marra.
Qepuri ishte pronar i lokalit.
Autori ka qenë i maskuar dhe lëvizte në këmbë. Në momentin që i është afruar lokalit ka qëlluar në drejtim të viktimës brenda lokalit të këtij të fundit.
Menjëherë ka dalë i biri i viktimës i cili ka qëlluar me shotgun në drejtim të atentatorit, por ai është larguar me vrap në errësirë, ku më pas ka hipur në një makinë e cila e priste disa metra më larg.
Policia ndodhet në vendngjarje për të nisur hetimet.
j.l./ dita
