Një konflikt për motive të dobëta u bë shkak për një plagosje me armë zjarri pasditen e kësaj të premteje në Dibër. Ngjarja ndodhi rreth orës 17:55, në qytetin e Peshkopisë. Burime zyrtare të policisë bëjnë të ditur se i plagosur nga kjo ngjarje ka mbetur Agron Delishi, 45 vjeç.
Ai mësohet se është nisur me helikopter drejt spitalit të Traumës në Tiranë. Ndërkohë, autoritetet policore bënë të mundur arrestimin e autorit të dyshuar të ngjarjes, 46-vjeçarin Besnik Selxhaferi.
Grupi hetimor nën drejtimin e Prokurorisë vijon hetimet për zbardhjen e plotë të rrethanave të ngjarjes.
o.j/dita
