Ministria Publike e Goiasit ka nisur Operacionin e Dënimit Maksimal, për dyshimin e manipulimit të rezultateve në vitin 2022, të pesë ndeshjeve në Serinë A, Divizioni i Parë i Brazilit, për të favorizuar bastet.
Operacioni shtrihet në gjashtë shtete dhe 16 qytete. Katër nga pesë ndeshjet korrespondojnë me javën e 36-të të Brasileirão 2022 dhe Ministria Publike e Goias ka gjithashtu ndeshje në kampionatet shtetërore të Goias, Rio Grande do Sul, Mato Grosso dhe São Paulo nën dyshime.
Emrat e katër futbollistëve të cilët do të ishin kontaktuar nga bastexhinjtë për të trukuar lojën dhe për të favorizuar baste të caktuara, janë bërë publike.
Megjithatë, prokurorët thonë se ende nuk mund të thuhet se këta lojtarë në fakt kanë marrë para për të manipuluar rezultatet, por kanë konfirmuar se ka pasur oferta. Këta futbollistë janë mbrojtësi Victor Ramos, nga Chapecoense dhe më parë nga Palmeiras; Igor Cariús, krahu i majtë i Sportit; Gabriel Tota, mesfushor i Ypiranga dhe ish-lojtar i Juventude; dhe argjentinasi Kevin Lomónaco, mbrojtës i Bragantinos.
Do të ishte të paktën një futbollist tjetër i përfshirë, por emri i tij nuk është bërë publik për momentin.
Prokuroria pohon se ofertat për lojtarët varionin nga 9,000 deri në 18,000 euro për të kryer veprime të caktuara gjatë ndeshjeve, të tilla si një numër i caktuar gabimesh, shkaktimi i kartonit të verdhë, shkaktimi i një numri të caktuar goditjesh nga këndi për një ekip apo edhe përpjekjet për të për të shkaktuar humbjen e ekipit të tij.
Bastorët kanë bërë fitime të konsiderueshme në faqe të ndryshme bastesh.
