Nga Migena Aleksi
Në Shqipëri, të moshuarit nuk janë më thjesht një kategori e brishtë – ata janë një shtresë që po zhduket në heshtje, të përjashtuar nga vëmendja publike dhe llogaritë politike. Me pensione që mezi mbulojnë bukën dhe barnat e ditës, pa ndihmë të rregullt sociale apo shërbime të dedikuara, shumë prej tyre jetojnë të vetmuar, në kushte mjerimi, të harruar edhe nga fëmijët që janë detyruar të emigrojnë.
Shteti flet për reforma e digjitalizim, por një i moshuar në një fshat pa farmaci, pa qendër shëndetësore, dhe pa asnjë formë transporti publik, është i dënuar të plaket në izolim.
Në qytete, tabloja nuk është më e ndritur: sheshet mbushen me pleq që rrinë në stola gjithë ditën, jo për rekreacion, por sepse s’kanë ku të shkojnë tjetër. Shumë prej tyre nuk kanë më as shtëpi të vetën, sepse iu është dashur të ndihmojnë fëmijët me kredi, martesë apo emigracion.
Institucionet përkujdesëse janë të pakta dhe të dobëta. Shumica e të moshuarve mbështeten ende te ndihma e familjes, ndërkohë që në vendet europiane modeli është krejt tjetër – i bazuar në kujdes shtetëror dinjitoz, strehim të përshtatur, dhe aktivitete sociale.
Në Shqipëri, pleqëria është kthyer në një pritje të gjatë, shpesh pa shpresë. Ata që ndërtuan këtë vend, që jetuan luftën, diktaturën, tranzicionin dhe sakrificat e demokracisë, tani e mbyllin jetën në heshtje dhe pa dinjitet.
Ka ardhur koha që shoqëria shqiptare të kthejë kokën nga kjo pjesë e saj që, ndonëse pa zë, meriton më shumë respekt, më shumë përkujdesje dhe mbi të gjitha: më shumë njerëzi.
Mialexi cfare ti beje qeverria pensionistave?Ti fryje?Shkruan melodrama,telenovela shtepiakesh..Pensionet mbahen me kontributet.Po nuk punoi Brezi Ri me siguracione,Pensionet nuk kane si rriten.Brezi i ri masivisht ka emigruar ne Perendim.Vetem administrata Shteterore,Arsimi,shendetsia paguajne Sikuracione.Privatet ofrojne pune ne te zeze.Edhe keta qe japin mend Media, eshte punedhenesi me i korruptuar,,,Gazetaret PUNOJNE NE TE ZEZE.
Qeverria e meparshme e kryemalokut futi ish koprativistet qe perfituan toke,bageti dhe pronat e pronareve ne skemen e Pensionit,,Kjo Qeverri futi edhe te gjithe parazitet,emigrantet,privatet,tregtaret me shumice dhe pakice,qe keto 34 vjet kane paguar 0 kontribute per pensionet.Pasanike,bossa,qe kane punuar 30 vjet ne perendim,vijne te kalojne pleqerine ne Shqiperi ,duan edhe pension ne Shqiperi.Te gjitha keto ne kurriz te kontributeve te mija qe kam 47 vjet pune ne kete vend dhe atyre si une.
Ti moj ish komentusja Mialexi me lot e me qyrra po na perdredh lesht e Currit per te dale emri ne gazete. Na mallengjeve ti!!!!!!!!!
Me cfare do paguaje shteti po nuk pat kontribute?
Per fat te keq koha per te varfrin nuk vjen kurre. Erdhi nje here ne France kur fitoi revolucioni dhe Robespieri coi ne sater monarket. Kur I thane Mari Antonetes qe mileti s’ka buke te haje u cudit dhe keshilloi qe te hane biskota. Ka ardhur koha qe shoqeria shqiptare te shohe me syte hapur se kjo qe po i ndodh pleqerise sot do I ndodhe asaj pas nje apo dy dekadash, biles me keq. Mbaroi gostia dhe sherri do behet per mbeturinat.