Ka shkuar në 12 numri i viktimave në Australi, mes tyre dhe një prej autorëve të dyshur që hapi zjarr mbi turmën e njerëzve që po festonin festën hebraike Hanukkah në plazhin Bondi ndërsa rreth 30 të tjerë të plagosur.
Kjo është ngjarja më e rëndë e regjistruar në Australi që prej vitit 1996.
Ishin mbi 1000 persona që ishin mbledhur për të festuar në një prej plazheve më të frekuentuara kur ky akt terrorist ndodhi.
Një nga autorët është vrarë. Mediat vendase konfirmojnë se autori tjetër është arrestuar dhe ndodhet në gjendje të rëndë shëndetësore ndërsa ka dyshime për një person të tretë të përfshirë në ngjarje.
