Ministri i Brendshëm, Bledi Çuçi deklaroi se listat e publikuara këtë të hënë nga hakerat iranianë me gjeneralitetet dhe fotot e personave me shtetësi shqiptare, nuk janë pjesë e bazës së të dhënave të sistemit Memex.
Teksa po hynte në Kuvend për të marrë pjesë në seancën e sotme plenare, Çuçi shtoi se hetimet po vijojnë bashkë me Microsoft dhe FBI.
“Lista që është publikuar e them me garanci të plotë që nuk është databaza e sistemit Memex që ka policia kriminale. Ju e dini që na kanë sulmuar. Jemi në hetim, kemi një trupë shumë të mirë nga Microsoft që do rrinë këtu përgjatë.
Sistemet do rikuperohen të gjitha. Kemi rikuperuar shumë sisteme në kohë rekord. Ka pasur edhe spekulime. Lista që është publikuar sot nuk është pjesë e databazës së sistemit Memex. Po hetojmë bashkë me FBI”, theksoi Çuçi.
1.7 giga byte material sensitiv u publikua nga hakerat e ashtëquajtur “Homeland Justice” mëngjesin e së hënës në platformën e komunikimit Telegram.
Bëhet fjalë për 49 lista të gjata ku pasqyrohet identiteti i personave, numri ID, mosha, vendlindja dhe foto e tyre e sistemit TIMS.
Në këto publikime, nuk jepen detaje të tjera se për çfarë janë të dyshuar personat në fjalë por besohet se materialet i përkasin sistemit MEMEX që administrohet nga Policia e Shtetit.
o.j/dita
Kujton ti se ke mjeker e mustaqe dhe te duket vetja i zgjuar?Microsoft dhe FBI-se i u djeg bytha per vehte ne lufte me hakerat.Me mencuri eshte te mbyllesh gojen se sa te reklamosh suksese..Hiqni dore si qeveri duke e bere shqiperine “fener ndricues ” per c’do gje.Po ashtu edhe Kryebashkiaku i Tiranes ,Erjon Veliaj qe u ca se beri :”tirana qender europiane”, “tirana qendra ballkanike”, “tirana qendra e botes”.Si nuk na thoni se ku keni deshtuar.Te gjitha qeverite ne boten demokratike kane transparence.Pranojne ku punet kane ecur mire dhe ku jo ,duke e sqaruar me shkaqe reale ,pa u justifikuar te gjejne shkakun tek te tjeret.Rotacioni ne qeverisje eshte demokraci.Ju e keni mbytur demokracine sepse nuk keni lene hapsire per zera ndryshe prej 30 vjetesh.Nje dite do te vije dhe fundi juaj.(Rama,Meta,Saliu e kompani).Koha e historia bejne cudira qe sot nuk i kuptoni sepse etja per pushtet i u ka verbuar llogjiken.