Dan Hutra, i cili iu mori jetën 3 grave dhe plagosi 3 të tjera, u arrestua në zonën e Kombinatit, ku kishte shkuar për të kryer një tjetër ekzekutim.
Pasi policia shpërndau foton e tij, ai është identifikuar nga një person në një kodër ku po qëndronte i fshehur në pritje të për kryer vrasjen e planifikuar.
Qytetari ka njoftuar Policinë që ka bërë të munduar arrestimin e tij.
Në një rrëfim për gazetarin Spartak Koka, ai ka dëshmuar momentin kur telefonoi policinë dhe përballjen e 4 efektivëve me Dan Hutrën.
Qytetari tregoi se 40-vjeçari iu drejtua policisë duke i thënë: “Do ju hiqja të katërve, po unë s’kam punë me ju, dua të vras edhe një tjetër.”
Kur efektivët e pyetën se kush ishte shënjestra e tij, u përgjigj: “Rrahman Sela.”
Rrëfimi i plotë:
Dëshmitari: Në momentin që e pashë nga larg që ishte këtu lart, thashë është ai 100%. U nisa për lart, thashë do jetë ai e po lajmëroj policinë. Mora 129, edhe djalin e xhaxhit. I thashë policisë fikni dritat sepse ai do shohë dritat ndezur dhe do mundohet të ikë.
I fikën kur erdhën, më thanë “do vish edhe ti”. Erdhëm deri këtu me makinë, kur zbritëm i thashë “ja ku e keni”.
Gazetari: Këtu tek kjo gëmushë ë? Armën e kishte në dorë?
Dëshmitari: Fiks këtu, armën e kishte në dorë. U çua dhe ngrejti duart lart dhe u tha “po të doja t’ju hiqja qafe të katërve, do ju hiqja qafe”.
Gazetari: 4 punonjësve të policisë?
Dëshmitari: Kam ardhur lart me idenë se ka thikë, jo kallash. Ta dija që kishte kallash, se s’vija fare lart.
Do u hiqja të katërve, po unë s’kam punë me ju, dua të vras edhe një tjetër.
“Kush është?”, i tha policia. Rrahman Sela tha, i cili është banor i lagjes tonë.
j.l./ dita
