Një 34-vjeçar i identifikuar si Sokol Ponari ka rënë në prangat e policisë të kryeqytetit pasi po transportonte emigrantë të paligjshëm kundrejt fitimit, drejt Veriut me destinacion final vendet e BE-së
34-vjeçari nga Tirana është kapur në rrugën “Princ Vidi” në kryeqytet duke transportuar me një automjet, 5 emigrantë, të cilëve, kundrejt shpërblimit monetar, iu kishte premtuar transportimin nga Tirana në drejtim të veriut të Shqipërisë. Pretendohet se me qëllim kalimin e tyre në pikat kufitare, emigrantët kishin destinacion final vendet e BE-së.
Ndërsa, 5 emigranët e paligjshëm u vunë nën hetim për veprën penale “Kalimi i paligjshëm i kufirit shtetëror”. Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
a.m/dita
