Gjykata e Durrësit ka caktuar masën ‘arrest me burg’ për Elson Rrodhen, shoferin e autobusit linjës Bari-Durrës ku u gjetën 97.700 euro të fshehura në tavanin e mjetit. Për shumën e gjetur, 37-vjeçari u shpreh se nuk kishte asnjë dijeni dhe se thjesht kishte bërë punën e tij si shofer.
Arrestimi i Rrodhes u bë në 13 qershor nën akuzën e tentativës për të kaluar në kufirin shqiptar rreth 100 mijë euro të padeklaruara. Kartëmonedhat ‘euro’ të gjetura u sekuestruan në cilësinë e provës materiale. Ndaj 37 vjeçarit të arrestuar rëndon akuza për veprën penale “Mosdeklarimi në kufi i të hollave dhe i sendeve me vlerë”.
