Admir Hidri, 23 vjeç, nga Shqipëria është dënuar me 2 vite e 6 muaj burg për trafikim të lëndëve narkotike në Angli. Ai kujdesej për bimët e kanabisit në një shtëpi bari dhe dyshohet se po punonte për një organizatë kriminale në Britaninë e Madhe, ndërsa në Shqipëri ishte polic, para se të nisej për emigrim.
Admir Hidri ka dëshmuar për policinë se paratë që fitonte nga veprimtaria e jashtëligjshme i dërgonte në Shqipëri për kurimin e të ëmës, e cila vuante nga një sëmundje e rëndë. Efektivët zbuluan 91 bimë kanabisi në vendin e quajtur Failsworth, me vlerë rreth 70 mijë paund.
