Luftëtari brazilian, Mauro Chaulet, ka humbur jetën pasi u përfshi në një grindje me një polic ushtarak në qytetin e Porto Alegre, në Brazil, sipas disa raporteve të medieve lokale. “Ylli” 36-vjeçar i MMA-s mësohet se ka ndërruar jetë nga një plagë me armë zjarri në orët e para të 7 majit pas një përplasjeje të dhunshme në një lokal me ushtarakun.
Sipas “Radio Guaiba”, partnerja e tij, e cila ishte gjithashtu në vendngjarje, mori dy plumba në stomak, por mbijetoi. Sipas dëshmive të të pranishmëve në vendngjarje, partnerja e sportistit dhe gruaja që shoqëronte ushtarin kanë debatuar, ç’ka ka sjellë dhe konfliktin me ushtarakun, i cili nuk ishte në detyrë atë natë.
