Policia e Durrësit ka ndërmarrë një aksion për lirimin e hapësirave publike në plazhe.
Në kuadër të operacionit policor të koduar “Bregdeti i lirë” janë liruar hapësira në vijën bregdetare, në zonën e Porto Romanos.
Si rezultat ka nisur procedimi penal për 5 administratorë subjektesh që kishin zënë hapësirën publike me shezlongë dhe çadra, të vendosura pa lejen përkatëse.
Gjithashtu janë sekuestruar 400 komplete me çadra dhe shezlongë.
Në përfundim të veprimeve procedurale u referuan materialet në Prokurori dhe nisi procedimi penal për shtetasit C., 36 vjeç, banues në Tiranë; F. Rr., 27 vjeç, L. B., 24 vjeç, E. S., 46 vjeç dhe H. L., 35 vjeç, të katërt banues në Durrës.
Materialet në ngarkim të këtyre shtetasve u referuan në Prokurorinë pranë Gjykatës së Shkallës së Parë Durrës, për veprime të mëtejshme.
j.l./ dita
hajdeni ne golem ku nuk ka as nje meter plazh publik por vetem privat me cmime astronomike deri 1000 leke dita dhe ne te3 varferit u mbyllem ne shtepi por sidoqofte detin e shohim