Protestuesit kanë hedhur sende në drejtim të efektivëve të policisë, ndërsa këta të fundit janë kundërpërgjigjur me ujë dhe spray lotsjellës për të shpërndarë turmën.
Në vendngjarje vijon prania e shtuar e forcave të rendit, ndërsa situata mbetet e tensionuar pranë Kuvendit.
Ditën e sotme përpara Parlamentit të Shqipërisë ku automjetet e deputetëve e anëtarëve të kabinetit Rama, janë qëlluar me shishe uji e vezë nga protestuesit sapo kanë lënë ambientet e Kuvendit.
Pas përfundimit të seancës, socialistët kanë lënë ambientet e Kuvendit, por janë pritur me sulme nga protestuesit.
Pavarësisht forcave të Policisë që ndodhen përpara hyrjes në Parlament, protestuesit nuk janë stepur, ndërsa kryetari i Kuvendit Niko Peleshi e të tjerë eksponentë të PS nuk kanë arritur dot të largohen teksa daljet janë bllokuar.
Qytetarët u mblodhën te Parlamenti që prej nisjes së seancës plenare në orën 10:00.
8 protestues janë shoqëruar nga policia ndërsa 3 efektivë të policisë kanë mbetur të plagosur si pasojë e përplasjeve. Një prej policisë është goditur dhe me gurë në kokë.
j.l./ dita
