Policia e Shkodrës ka çmontuar ditën e sotme 21 kamera të cilat ishin montuar në shtylla elektrike.
Në bazë të të dhënave të siguruara nga inteligjenca informative policia ka kryer një rishikim të akseve “5 Heronjtë”, deri në bypassin e Shkodrës, dhe nga “5 Heronjtë”, deri të rrethrrotullimi i Dobraçit.
Kamerat ishin vendosur pa lejen e organeve kompetente dhe janë në kundërshtim me ligjin. Policia tha se po punon për zbardhjen e plotë të qëllimit të vendosjes së këtyre kamerave në këto akse.
Njoftim policie
Policia çmonton 21 kamera të vendosura në shtyllat elektrike, në rrugë, për të mbledhur informacion, për qëllime kriminale.
Kamerat e vendosura nga persona apo grupe kriminale kishin për qëllim edhe marrjen e informacionit për lëvizjet e Policisë.
Strukturat hetimore të DVP Shkodër, bazuar në informacionet e siguruara nga inteligjenca informative, për vendosjen e disa kamerave në shyllat elektrike, në aksin rrugor “5 Heronjtë”, deri në bypassin e Shkodrës, dhe nga “5 Heronjtë”, deri të rrethrrotullimi i Dobraçit, me qëllim mbledhjen e informaconit për qëllime kriminale, si dhe për të monitoruar lëvizjet e Policisë, kanë organizuar punën për identifikimin e personave që kishin vendosur këto kamera dhe çmontimin e tyre.
Mbështetur nga shërbimet operacionale dhe ato të Forcës së Posaçme “Shqiponja”, strukturat hetimore të DVP Shkodër kanë çmontuar dhe sekuestruar 21 kamera të lidhura nëpërmjet celularit, nga të cilat 8 të instaluara në vende dhe sheshe publike, në aksin rrugor nga rrethrotullimi “5 Heronjtë” deri tek rrethrrotullimi i parë i bypassit të Shkodrës, ndërsa 13 të tjera të instaluara në aksin rrugor nga rrethrrotullimi “5 Heronjtë” deri te rrethrrotullimi i Dobraçit.
Kamerat e sekuestruara ishin vendosur pa lejen përkatëse të organeve kompetente. Vendosja e tyre është në kundërshtim me Ligjin 9887, datë 10.03.2008 “Mbrojtja e të dhënave personale” dhe përbën veprën penale “Ndërhyrje të padrejta në jetën private”, që parashikohet nga neni 121 i Kodit Penal.
Në bashkëpunim me Prokurorinë vijon puna intensive për identifikimin e personave që kanë instaluar kamerat dhe për zbardhjen e plotë të qëllimit të vendosjes së këtyre kamerave.
Shtet katrahure i drejtuar nga nje i droguar dhe antishqiptar, Ed Brekushexhiu.
Ne cdo vend te Botes policia vendos kamera per te kapur kriminele dhe grupe kriminelesh, ne Albanistan jane Grupet Kriminale qe vendosin kamera dhe ndjekin levizjet e policise, shto ketu edhe bashkepunimin e strukturave te policise ne te gjitha rangjet qe informojne regullisht kriminelet kundrejet pageses.
Shteti qe shqetesohet per jetet private te njerezve i detyron bizneset te instalojne kamera megjithese nje pjese shume e madhe e ketyre bizneseve zoterohet nga njerez te lidhur me krimin. Cuditen pse keta ndjekin levizjet e policise.
Pas nje palo analize megallomane,qe fsheh realitetin e neveritshem te krimit ne vend,del fakti qe KRIMI I ORGANIZUAR I BEN KARSHILLEK SHTETIT DHE POLICIA FLE GJUME!
Kaq mjafton qe ministri I Brendshem dhe drejtoni I policise te shkarkoheshin nga detyra urgjent!
Por kur kemi nje kryeminister sharlatan kete shtet do kemi akoma!