Kryetarja e Kuvendit Lindita Nikolla ka thërritur mbledhje kryesie me kryetarët e grupeve parlamentare për t’i vënë në dispozicion dosjen e Autoritetit për Informim mbi Dosjet e Sigurimit te Shtetit. Aty flitet se një personazh me profil të lartë politik i identifikuar me inicialet I.M., rezulton të ketë qenë bashkëpunëtor i ish-Sigurimit të Shtetit. Burime për Report Tv bëjnë me dije Nikolla do takojë kryetarët e grupeve parlamentare veçmas në orare të ndryshme. Deri në këto momente, ka zhvilluar takimin me Ballën. Ndërkohë pritet të takojë edhe Enkelejd Alibeajn dhe Fatmir Mediun. Autoriteti i Dosjeve kërkon ndryshimin e ligjit për të verifikuar edhe politikanët e lartë që dolën të pastër nga dy Komisionet në vitet ’90.
Një ditë më parë, Bordi i Autoritetit për Informim mbi Dosjet e Sigurimit te Shtetit, i kërkoi Kuvendit të Shqipërisë të ndryshoj ligjin mbi dosjet në vend, për shkak se favorizon politikanët e lartë dhe deputetët e Kuvendit të Shqipërisë, të cilët nuk ndëshkohen nga të qenit bashkëpunëtorë të Sigurimit të Shtetit dhe akoma më keq mbrohen me një klauzolë të veçantë, nëse kanë kaluar “filtrin” e atij që quhej Komisioni Mezini dhe me pas Bezhani pas vitit 1997.
Kjo klauzolë, duket se është vendosur qëllimshëm për t’i dhënë legjitimitet, mos kontrollit të hollësishëm të dosjeve dhe mbrojtjen e shumë politikanëve të lartë që kanë qenë pjesë e strukturave bashkëpunuese me Sigurimin e Shtetit. Disa media aludojnë se bëhet fjalë për Ilir Metën pasi inicialet korrespondojnë, megjithëse nuk ka ende asnjë konfirmim.
Për zbulimin e Autoritetit për Informim mbi Dosjet e Sigurimit te Shtetit ka reaguar edhe bashkëpunëtori i Ilir Metës, Tedi Blushi duke thënë se kanë merakun e patronazhistëve të komunizmit dhe i kërkoi që të nxjerrin çdo dokument në mënyrë që të jenë sa më transparentë. Ende nuk dihet identiteti i plotë i politikanit me inicialet I.M., por reagimi i Blushit, ish këshilltar i Metës në presidencë dhe tashmë bashkëpunëtor në Partinë e Lirisë shton dyshimet se mund të jetë Ilir Meta.
o.j/dita
Duhet urgjentisht qe SPAK te marre ne dore seriozisht ne dore dosjet e spiunit ,hajdutit,kriminelit Like floriri pasi nuk mund te durohet me qe me paturpesine me te madhe te marre ne dore flamurin e antikorrupsionit ky hajdut se bashku me Monen apo Salehu ku e bija ,i biri dhenderi notojne ne miliona te vjedhura,nuk mundet te sfidohet akoma ky popull i shumevuajtur dhe shume vjedhur.Drejtesia duhet te godase pa meshire,O SOT O KURRE.
ish bashkepunetoret e sigurimit nuk denohen me burg, per kete gje.
spakaraku ta denoje per vjedhjet qe ka bere, po ka bythe, mos te veje si puna e
nexhmies per pakot e kafeve.