Udhëtimi surprizë për familjarët u kthye në tragjedi. Festim Meçja është i riu 27 vjeç që u nda nga jeta ditën e djeshme vetëm pak kilometra larg banesës së tij në Sinaballaj të Rrogozhinës, ku mezi priste të takonte familjarët.
Por parakalimi i gabuar dhe humbja e kontrollit të mjetit i automjetit tip ‘Benz’ që drejtonte përfundoi poshtë rrotave të kamionit. Ai mbeti i bllokuar për rreth një orë në mjet derisa u bë e mundur nxjerrja e trupit të pajetë. Ndërsa shoferi i kamionit, i identifikuar si I.C., nuk pësoi dëmtime por mbeti i shokuar nga ngjarja e rëndë.
Që nga momenti i aksidentit që ndodhi dje (4 gusht) u deshën shumë orë që të mësohej identiteti i tij dhe detaje mbi ngjarjen e rëndë.
Ai ishte nisur për në Shqipëri nga Parma në Itali, ku jetonte e punonte prej kohësh si punonjës në një sipërmarrje private që të merrte pjesë në dy gëzime familjare. Ai nuk donte të humbiste martesat e të afërmve të fisit dhe nuk vuri askënd në dijeni për kthimin në atdhe pas një viti. Festimi që nuk mbërriti i gjallë tek të afërmit e tij kishte emigruar për të ndihmuar familjen me probleme ekonomike.
27-vjeçari la pas vëllain që punonte ashtu si ai në Itali, nënën që vuante nga probleme shëndetësore, motrën që duhet të ndiqte studimet dhe babain që mundohej të nxirrte të ardhura me punë fshati.
Festim Meçja u nda nga jeta prej pakujdesisë, thonë hetimet e para.
Ai humbi kontrollin e mjetit dhe përfundoi nën rrotat e kamionit pikërisht në kthesën ku do të hynte për të takuar familjarët për të cilët kishte mall, ashtu si çdo person që emigron për një jetë më të mirë larg familjes.
j.l./ dita
Ngjarje shumë e rëndë edhe kjo ..pse o bir i nënës dhe i babës o vëllai i motrës …pse nxitove të ikje në rrugën pa kthim…ndoshta ashtu qe i shkruar fati yt…ngushëllime familjes hallemadhe dhe fatkeqe …të prehesh në paqe mor djalë …mbase kjo tragjedi bëhet mësim për të tjerët…mos nxitoni o përdorues të rrugëve …ju presin në shtëpi njerëzit tuaj të dashur nëna ,babai,nusja ,fëmijët, motra ,vëllai…jo më gjak në asfalt ….
Ky gjynah per familjen qe vdiq e shyqyr qe nuk mori te tjere me qafe me ate parakalimin por avashni me kete fukarallikun me Benz coupe se i bie qe ne te tjeret te jemi per asistence.
Cfare makine ka gazetari per kuriozitet? Ferrari?
Makinen e pati me qira, nuk e kishte te veten ndaj mos u nxito te gjykosh dike sidomos dike qe sapo ka nderruar jete