Premton njëri krah,
dhe tjetri premton,
po ato premtime,
askush s’i beson!
Rrallë ndonjë gjë,
në fushatë besohet,
prapë me tifozllëk,
këtu do votohet!
PD nga kjo gjë,
s’ka përparësi,
sepse shumë të majtë,
ka në Shqipëri!
Ca nuk mbahen fare,
si kalë pa kapistër,
kudo prezantohen,
si kryeministër!
Prit-more ti prit,
me gjithë ata trima,
prit-more ti prit,
ka dava Janina!
Tani qeveria,
po punon kaq shumë,
dhe në mes i ka,
sot me qindra punë!
Po nëse ky ritëm,
do të qe më parë,
do dukej më qartë,
kush është fitimtar!
Listat e partive,
ja vlen për t’u parë,
tek PD-ja ka,
më shumë mëkatarë!
Ka vrasës-që ligjit,
gjer tash ja kanë hedhur,
dhe jo veç Saliu,
aty është i rjedhur!
Me urdhër të peshkut,
votat s’mund të shtohen,
janë të njëjtat vota,
s’maksimalizohen!
Aty është parimi:
“O Mete për vete!.”,
nuk do bëhen qoka,
por veç marifete!
Nuk e dimë se kush,
do dalë më i zoti,
po një rol do luaj,
“gjeneral” bojkoti!
