Presidenti Begaj dekreton ndryshimet në Qeveri/ Miraton emërimin e Ballukut dhe Dhukës

Sipas një njoftimi për shtyp nga presidenca, Presidenti i ri Bajram Begaj ka dekretuar vendimin e kryeministrit për shkarkimin e z. Arben Ahmetaj nga detyra si Zëvendëskryeministër si dhe ka dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres.

‘Presidenti i Republikës, Sh.T.Z. Bajram Begaj, pas administrimit të propozimeve të Kryeministrit dhe shqyrtimit të tyre, ka dekretuar  shkarkimin e z. Arben Ahmetaj nga detyra si Zëvendëskryeministër dhe ministër i Shtetit për Rindërtimin dhe Programin e Reformave. Presidenti i Republikës, ka pranuar propozimin duke dekretuar emërimin e zonjës Majlinda Dhuka si ministër Shteti dhe Kryenegociatore, si dhe emërimin e zonjës Belinda Balluku edhe në detyrën e Zëvendëskryeministres, përpos detyrës që mban të ministres së Infrastrukturës dhe Energjisë.’- njofton presidenca.

a.m/dita