Presidenti i Republikës Bajram Begaj me propozim të Kryeministrit dekretoi emërimin e Adea Pirdeni në detyrën e Ministrit të Shtetit për Administratën Publike dhe Antikorrupsionin.
Adea Pirdeni u emërua nga kryeministri Edi Rama pak ditë më parë, ku krijoi edhe ministrin e re.
Rama solli argumentet për këtë ndërhyrje ne kabinet, duke e lidhur krijimin e një ministrie të tillë me nevojat që ka nxjerrë në pah procesi i integrimit të vendit në BE.
“Në këtë fazë të re zhvillimi të vendit dhe në kushtet kur Shqipëria po punon për kapitujt e negociatave për anëtarësim me Bashkimin Europian kërkohet një qasje e re ndaj administratës publike, për të rritur krahas pagave konkurruese dhe cilësinë e burimeve tona njerëzore, duke rishikuar me një sy më kërkues e me ekspertizë më të konsoliduar organizimin e institucioneve, strukturat e funksionet e tyre”, shkroi Rama disa dite më parë.
Kujtojmë që Adea Pirdeni në tre vitet e fundit ka mbajtur pozicionin e zv.ministres së Drejtësisë dhe, siç shprehet Rama ajo ka spikatur me lidershipin e me profesionalizmin e saj në rolin e zv.kryenegociatores me Bashkimin Europian, si edhe në mbulimin e kapitullit madhor të Gjyqësorit e të Drejtave Themelore.
Adea Pirdeni është lindur në Tiranë më 1 tetor 1983. Ajo ka përfunduar studimet në drejtësi në Fakultetin e Drejtësisë, Universiteti i Tiranës, prej të cilit zotëron edhe një diplomë të studimeve Master në të Drejtë Publike.
Në vitin 2014 ka fituar titullin Magister Juris (MJur) me rezultate të shkëlqyera nga Fakulteti i Drejtësisë, Universiteti i Oksfordit dhe prej vitit 2016 mban titullin “Doktor në Shkencat Juridike” nga Fakulteti i Drejtësisë pranë Universitetit të Tiranës. Ajo ka kryer vizita studimore në kuadër të programeve të shkëmbimit pranë Universitetit Humboldt Berlin (Gjermani) dhe pranë Universitetit të Kansasit (ShBA). Që prej vitit 2008, Znj. Pirdeni angazhohet si lektore me kohë të plotë pranë Fakultetit të Drejtësisë, Universiteti i Tiranës në disiplinat e së Drejtës Kushtetuese, të Drejtës Kushtetuese të Avancuar, të Drejtës së BE dhe të Drejtës Administrative.
Fushat kryesore kërkimore të saj janë aspektet kushtetuese të mirëqeverisjes dhe të drejtave të njeriut, integrimi evropian, si dhe reforma në drejtësi, për hartimin dhe implementimin e së cilës ajo ka kontribuar si Eksperte e Sekretariatit Teknik pranë Grupit të Ekspertëve të Nivelit të Lartë.
Në vazhdën e eksperiencave profesionale, Pirdeni ka shërbyer ndër vite si trajnere e jashtme pranë Shkollës së Magjistraturës, Shkollës së Avokatisë së Shqipërisë dhe Shkollës Shqiptare të Administratës Publike.
j.l./ dita
Pa pervoje …keshtu I duan…
Mire dhe SHYQYR qe doli nje koker e vecante nga Rilindja Socialiste si Adea Pirdeni qe ka dipllome sagllam dhe ka mbaruar Oksfordin shkelqyeshem sic paraqiet dhe po t’i besojme kesaj CV famoze me shume levdata qe nuk duam t’i veme ne dyshim, por ketu ka nje problem per ministren e Edi Rames qe do te drejtoje ministrine Antikorrupsion, sepse po kjo Adea Pirdeni ka qene zevendese per shume kohe e hajdutit me cizme socialiste, Ilir Beqja qe eshte akuzuar nga SPAK per korrupsion makaber UBUBU! me shperdorime dhe hajni qindramilione euro nga sterilizimi dhe nga fondet e BE per bujqesine per te cilat kjo zonja famoze me dipllome Oksfordi nuk e ka hapur gojen asnjehere asper shefi e saj te korruptuar dhe as per te kallezuar ne SPAK ministren rezile te Bujqesise, ne vend te kesaj bukuroshe qe do te drejtoje tani Antikorrupsionin, punen e saje bene gazetaret dhe ne kete kendveshtrim:
ADEA PIRDENI NGA OKSORDI ESHTE SI PLARENT NDRECI NGA RUBIKU QE EDI RAMA EBERI DEPUTET PASI SPAK E KA AKUZUAR SI HAJDUT
Opozita mosbindje civile ne Parlament.Quhet stuhi ne goten e ujit.Jane te vdekur politikisht me kete levizje per te shpetu bythen e Sali Berishes dhe dendrit te tij.Ky eshte turp dhe keta vetem politikane nuk jane.