Presidenti i Ligës, Javier Tebas, ka reaguar me ironi ndaj goditjes që mori këtë të martë projekti për krijimin e një Superlige Evropiane. Letra e bërë publike nga Juventusi, në të cilën deklarohej dorëheqja nga pjesëmarrja, është pritur nga përgjegjësi i kompeticionit më të lartë me një sarkazëm, në të njëjtën kohë që ka shfrytëzuar rastin për të dërguar një shigjetë ndaj Florentino Pérez dhe Joan Laporta, respektivisht presidentë të Real Madridit dhe Barçës.
Në një postim në Twitter, Tebas ka publikuar një foto të dy drejtuesve së bashku me drejtorin ekzekutiv të konkursit të ri, Bernd Reichart, me një mesazh disi tallës: “I fundit të mbyllë derën dhe të fikë dritën!”.
Nuk është hera e parë që Tebas përdor rrjetet sociale për të nisur një kryqëzatë për këtë Superligë që sipas tij “vjen për të marrë paratë nga klubet e tjera”.