Primaret / Mbyllet procesi për Tiranën e Elbasanin, PD publikon sot kandidaturat

Sot, Komisioni i Organizimit dhe Kontrollit të Operacioneve Elektorale (KOKOE) pranë Partisë Demokratike do të bëjë publikë emrat e kandidatëve të propozuar/vetëpropozuar për tu future në garën e Primareve për Tiranën dhe Elbasanin.

KOKOE mbylli një natë më parë, në prën 20:00 procesin e marrjes së së propozimeve dhe vetëkandidimeve për degët Tiranë dhe Elbasan. Pas orës 20.00, degët e Tiranës dhe Elbasanit depozituan fizikisht pranë KOKOE, informacionin për kandidaturat e propozuara në degët përkatëse së bashku me dolumentacionin e dorëzuar pranë tyre.

Ndërsa për degën e Durrësit ka pasur një shtyrje afati deri më 8 nëntor. Procesi i primareve që do të nxjerrë kandidatët e Partisë Demokratike në zgjedhjet lokale do të përfundojë brenda datës 4 dhjetor, ditë kur dhe pritet të mbahen votimet.

Sot Arjan Hoxha, kryetar i Partisë Demokratike në Kamëz do të garojë në Primaret e PD.

PD njoftoi se Hoxha do të shpallë kandidimin sot në orën 11:15.Deri më tani janë bërë publike disa kandidime. Në Tiranë janë 5 emra: Adriana Kalaja, Belind Këlliçi, Ilir Alimehmeti dhe ish-deputetët Kujtim Gjuzi e Gert Bogdani. Asllan Dogjani prezantoi kandidaturën e tij për Primaret që do zhvillohen për Bashkinë Kamëz bashkë me Shemsi Prençin dhe Arjan Hoxhën.

Ish-kandidati për deputet i Partisë Demokratike, Fisnik Qosja dhe ish-kryebashkiaku i Kavajës, Isa Sakja, janë dy emrat që kanë depozituar kandidimin për Kavajën.

Anëtari i Partisë Demokratike, Artur Mahmutaj ka konfirmuar se është gati të bëhet pjesë e Primareve të Sali Berishës, për të kandiduar për kryetar bashkie në qytetin e Fierit, ndërsa Bardh Spahia kërkon një mandat të plotë në krye të Shkodrës. Ish-deputetja e Partisë Demokratike, Mimoza Hajdarmataj ka dorëzuar kandidaturën për primare për Bashkinë e Tropojës.

j.l./ dita