Donald Trump është një hap më afër nominimit presidencial republikan pas një fitoreje masive ndaj Nikki Haley në Karolinën e Jugut.
Ish-presidenti fitoi shtetin primar të kundërshtarit të tij me një diferencë prej 20 pikësh, fitorja e tij e katërt radhazi. Teksa ai festonte, Trump nuk përmendi Haley, e cila u zotua të qëndronte në garë. Në vend të kësaj, ai i vuri sytë te zgjedhjet e përgjithshme në nëntor.
“Ne do ta shikojmë Joe Biden drejt në sy,” u tha ai mbështetësve disa minuta pasi mediat amerikane e projektuan atë si fitues të shtunën mbrëma.
“Ai po shkatërron vendin tonë, dhe ne do të themi ‘dil Xho, je pushuar nga puna”, tha ai.
Trump lavdëroi “unitetin” e partisë së tij pas rezultatit të së shtunës, duke thënë: Nuk ka pasur kurrë një frymë si kjo. Unë kurrë nuk e kam parë Partinë Republikane kaq të unifikuar.
Kjo shënoi një ndryshim nga përgjigja e tij në zgjedhjet paraprake të muajit të kaluar në New Hampshire, ku ai sulmoi Haleyn. Haley, e cila dikur shërbeu si një guvernatore popullore me dy mandate e Karolinës së Jugut, e përgëzoi kundërshtarin e saj për fitoren në fjalimin e saj. Ajo premtoi se nuk do të hiqte dorë, megjithatë, duke thënë se afërsisht 40% e votave që mori ishte nuk ishte grup i vogël.
“Ka një numër të madh votuesish në zgjedhjet tona paraprake republikane që thonë se duan një alternativë,” tha ajo, duke theksuar se fushata e saj e vazhdueshme nuk kishte të bënte me ambiciet e saj politike.
“Unë nuk po heq dorë nga kjo luftë kur shumica e amerikanëve nuk e miratojnë Donald Trumpin dhe Joe Bidenin”, shtoi ajo.
Ajo është zotuar të qëndrojë në garë të paktën deri në 5 Mars, kur votuesit në 16 shtete do të hedhin votat e tyre në të njëjtën ditë.
“Unë jam një grua e fjalës time. Ne jemi nisur për në Michigan nesër dhe do të shkojmë në shtetet e Super Martës gjatë gjithë javës së ardhshme”, tha ish-ambasadorja e OKB-së.
j.l./ dita
