Problemet me kockat ose Osteporoza është një sëmundje e cila po prek një numër të madh personash ne vendin tonë. Sipas mjekes reumatologe, Rovena Liço gjendja vjen edhe për shkak të rritjes së jetëgjatësisë.
“Pavarësisht se ne shpesh herë bëjmë fushata sensibilizimi, i mëshojmë pjesës së jetesës së shëndetshme, modifikimit të stilit të jetesës, përsëri osteoporoza është një sëmundje në trend, kohët e fundit. Kjo dhe për shkak të rritjes së jetëgjatësisë. Sa më shumë të rritet jetëgjatësia, aq më shumë shanse ka individi për të zhvilluar osteoporozë gjatë jetës së tij”, është shprehur mjeke reumatologe Rovena Liço.
Me të prekura janë gratë, megjithatë nuk përjashtohen as burrat sipas mjekeve
“Osteoporoza konsiderohet si një sëmundje që prek kryesisht gratë, sidomos në moshën e menopauzës. Por humbja e densitetit kockor fillon që nga fundi i dekadës së tretë, fillimi i dekadës së katërt. Por nuk përjashtohen nga mosha as meshkujt mbi moshën 70 vjeç”, ka thënë Liço.
Arsyet kryesore të këtij problemi me kockat, janë sëmundjet kronike, mungesa e vitaminës D, por edhe problemet e tjera.
“Sëmundjet kronike, pra të gjata ndikojnë në metabolizmin e kockave e rrjedhimisht dhe në shfaqjen e osteoporozës. Defiçencat e ndryshme në mikroelementë, kalcium, vitaminë D janë faktorë rrisku. Po ashtu dhe sëmundjet malinje janë një shkak për osteoporozat sekondare”, ka thënë mjekja reumatologe.
Sipas Organizatës Botërore të Shëndetësisë 1 në 3 gra dhe 1 në 5 burra në botë vuajnë nga brishtësia e kockës ose ndryshe Osteoporoza.
o.j/dita
A keni nje studim rrenjesor per detyrat qe ju lihen klinikave shendetesore per emancipimin dhe njohjen e popullates me kete problem te rendesishem.