Qeveria “Rama 4” planifikon që deri në vitin 2029 rroga e mjekëve dhe infermierëve të rritet me 25%.
Gjithashtu në bazë të programit qeverisës, të siguruar nga DITA që do të prezantohet ditën e nesërme (18 Shtator) në Kuvend, rroga mesatare e mësuesve do rritet me 1.250 euro deri në 2029.
“Rrisim pagën mesatare të mësuesve në 1,250 euro deri në vitin 2029”, shkruhet në program lidhur me pagat e arsimtarëve.
Ndërsa për bluzat e bardha: “Rrisim pagat e mjekëve dhe infermierëve me 25% deri në vitin 2029 për të ruajtur konkurrueshmërinë”.
Deri në vitin 2029, qeveria parashikon që pensioni mesatar të arrijë në 400 euro, ndërsa pensioni minimal në 200 euro. Qeveria Rama 4 synon dixhitalizimin e plotë të sistemit të sigurimeve shoqërore, me regjistër elektronik dhe shërbime online, duke rritur transparencën dhe gjurmueshmërinë.
Sa i përket programit për fëmijët, rininë dhe barazinë gjinore synohet modernizimi i arsimit me 1 mijë laboratorë inteligjentë, kurrikulë kodimi e inteligjence artificiale, si dhe zgjerim i aktiviteteve jashtëshkollore në art, kulturë, shkencë e sport.
Qeveria synon gjithashtu të krijojë hapësira urbane dhe kënde lojërash, të dyfishojë qendrat rinore si dhe të mbështesë mijëra projekte e nisma komunitare. Do të prezantojë gjithashtu edhe Ligjin për Vullnetarizmin, i cili do të bëjë të mundur që eksperienca vullnetare të njihet si pervojë pune.
Po ashtu, parashikohet një platformë digjitale për rininë, financim për startup-et dhe mbështetje për pjesëmarrje në veprimtari ndërkombëtare.
Llafe
Ta qaj hallin , edhe 2000 mij tu a besh rrogen ne muaj perseri do te te ikin . Sikur se di ti ..hajt mo , ishim mire kur ishim keq !
Ku di gjesh leket KM?
Shteti ska bank
Ka taksa
Qeveria Rama e vetmja ne keto mbi 30 vite qe ne 12 vite te saj ne pushtet premton rritje rrogesh per Mjeke, Infermiere, Mesues e asnjehere ne keto 12 vite nuk ka artikuluar shprehjen – rritje rrogash per Sektorin Buxhetor!
Se neper spitale nuk ka vetem Mjeke e Infermiere, por ka dhe Shofere Ambulancash, Laborante, Sanitare, Oksigjeniste, te sektorit prapavijes etj qe ne keto 12 vite nuk kane pare rritje pagash me sy.
Buxhetoret e ketij vendi kurre nuk i ka permendur ky Rama, asnjehere. Ndonese rregullisht c’do fund-viti u ka mohuar ate qe u takon me ligj – ate shperblim te vitit te ri apo sic quhej dikur “rroga 13” e cila per here te fundit mbahet mend nga Buxhetoret ne dhjetor 2012.
Me këto çmime paga minimale duhet të jetë tashmë 600 euro sepse shëndetësia falas është fjalë, realiteti është ndryshe, po kështu po bëhet dhe arsimi. Çmimet po rriten pa ndërprerë, produktet e shportës ushqimore dhe detergjente larës në vendet e Ballkanit kanë tvsh nga 0 deri në 7%,pensionistët me pensionin që kanë nuk mund të jetojnë as 10 ditë në muaj pa ndihmën e emigrantëve, ato janë të privuar nga shumë të drejta që kanë në vendet e rajonit tonë.
Nuk ka çfarë na duhet Europa me nivel ekonomik si në vendet e humbura të Afrikës. Polarizimi social në këtë vend ka shkuar duke u rritur në mënyrë të vazhdueshme dhe të frikshme ku shtresë të mesme nuk është as 20%e popullsisë.
Pastaj mos të flasësh kur ke një problem gjyqësor që janë bërë të zakonshme, qoftë për pronën, punën, dhe tashmë të mos çoftë zoti se të kalon jeta nëpër gjyqe e vdes pa zgjidh problemin.
Kjo është Europa, kjo është rruga drejt saj?