Kryeministri Edi Rama tha se në Lushnjë do të ngrihet një pikë doganore. Nga një takim me qytetarët e Lushnjës, ku po prezantoheshin projektet për këtë qytet, Rama tha se përveç kombinatit ushqimor, do të ngrihet edhe pika doganore që të lehtësojë eksportet për fermerët.
Kreu i qeverisë tha se do mbështesin ngritjen e Kombinatit me një sipërfaqe 19.5 ha, që parashikon të ketë pika grumbullimi, pika përpunimin, magazina frigoriferike, madje edhe një terminal për autobusët.
“Sot patëm një moment të rëndësishëm për të kuptuar se ca duhet të bëjmë më tutje, edhe pse nevojat dhe kërkesat unë i kisha që më para. Është e dom të ndërhyjmë nga ana e qeverisë për unazën e qytetit. Aty ka shumë biznese që janë vlerë e shtuar për këtë komunitet. Pastaj për ndërtimin e kombinatit, aty është të kemi një pikë ku të përpunojmë më shumë produkte sepse ndërkohë që në aspektin e grumbullimit kemi bërë hapa para.
Në Lushnjë kishte dy pika grumbullimi kur morëm detyrën, sot janë 19 pika grumbullimi nga të cilat 17 janë të mbështetura nga fondet e qeverisë. Bazuar në lejet e dhëna numri shkon në 40. Është vetëm një agro përpunim. I cili është tregues se pse agro përpunimi është shkalla tjetër që duhet ngjitur për ta mbyllu ciklin për të pasur më shumë sukses dhe më shumë punësim. Kjo bën të mundur që asgjë të mos ikë dëm. Ne do ta mbështesim ndërtimin e saj qendre, ku patjetër do të krijojmë kushtet për të pasur doganën këtu, që eksportet të mos kalojnë në asnjë pikë doganore, por për ta pasur që këtu shërbimin doganor, që të krijohen edhe sinergji të tjera. Me Erisledën do ta çojmë para këtë projekt”, tha Rama.
a.m/dita
HAjde, 20 ha kombinat, me gjithe terminal. Po sikur tja lije ato hektaret bujqesise zotrote, mos do ish me mire, apo te duhet toka per ta vjedhur me sa me shume miliona nga buxheti i shteitt.
Merreni perpara qenin se po kalon cdo mase
Hajde project hajde. O sa mire me qen shqiptar o hej o hej.