Biblioteka Qendrore Shqiptare e Kroacisë me drejtorë znj. Dori Kerni dhe Shoqata e Grave Shqiptare në Kroaci me kryetare znj. Dori Kerni organizuan promovimin e librit “Aleanca e duhur Shqipëri-Kroaci” të ambasadorit Shaban Murati në sallën e Shtepisë së Gazetarëve në Zagreb.
Fjalën e hapjes e mbajti znj Dori Kerni. Pastaj rreth librit dhe autorit folën ambasadori i Kosovës në Kroaci, prof.dr. Martin Berishaj, shkrimtarja Hiqmete Daja, shkrimtari Arben Iliazi dhe e ngarkuara me punë e ambasadës së Shqipërisë në Kroaci, znj.Alma Kasa. Përshëndeti dhe botuesi i librit dhe kryetar i Fondacionit Çamëria “Hasan Tahsini” z.Alket Veliu dhe autori.
Merrnin pjesë përfaqësues të shumtë të diasporës shqiptare në Kroaci. Ndodhej edhe keshilltarja speciale e ministrisë së jashtme kroate znj. Ermina Lekaj Priljaska, ambasadori i Maqedoniseë së Veriut në Kroaci, prof. Milaim Fetahi, përfaqësues të trupit diplomatik, të mediave, të kulturës, etj.
