Pas protestave të zhvilluara në Vlorë sot është protestuar në Velipojë ku pronarët e mjeteve lundruese kundërshtojnë vendimin e policisë.
Pronarët e mjeteve shprehen për mediat se ata janë penalizuar nga ky vendim, pavarësisht se disponojnë dokumentacion të rregullt, ku iu lejohet dalja në det.
Sipas tyre policia deklaron se ka marrë udhër nga lart, dhe nuk mund ti marrë parasysh kërkesat e tyre. Nga ky vendim janë penalizuar 3 subjekte dhe rreth 10 mjete vetëm në Velipojë.
“Në radhë të parë ngushëllime familjes që i ka ndodhur tragjedia, kam 14 vite që punoj në Velipojë, veç hajrin na ka parë policia dhe jo sherrin, kemi shpëtuar dhjetra jetë njerëzish. Ne kërkojmë një përgjigje, ne jemi penalizuar, dhe përgjigja nga policia nuk vjen”, tha njëri nga pronarët.
“Nuk ka asnjë vendim me shkresë, ‘jo kam marrë urdhër nga lart, jo se më ka thënë i madhi, jo se më ka thënë i vogli’. Ne paguajmë taksa, paguajmë tatime, edhe pse nuk na kanë dhënë asnjë shkresë ‘na thonë prit, prit, prit”, u shpreh një tjetër.
“Asnjë incident nuk kemi pasur në këto 14 vite. Dikujt ia kemi dhënë edhe pa patentë, por asnjë incident nuk ka pasur. Ka raste që kemi shpëtuar qytetarë, sepse policia vetë nuk ka pasur skafe”, shprehet Alban Frroku, pronari i 4 mjeteve të ujit në Velipojë.
“Pas ngjarjes që ndodhi, jemi shumë të mërzitur, na vjen keq se jemi familjarë dhe vetë. Policia kufitare na tha që nuk mund ti nxjerrim më motorët në ujë, dhe kaq, ndaj ju jemi drejtuar edhe juve. Dikush i ka këto mjete edhe për të ngrënë bukë, dikush tjetër i ka për qejf. Dokumentet i kemi paguar në Durrës, kjo ka ndodhur dhe në një fatkeqësi që ka ndodhur më parë, por tashmë nuk gjejmë zgjidhje”, shprehet pronari i disa motorëve të ujit.
j.l./ dita
Nuk arinë ta kuptojnë, se gjoja ky angazhim është për jetën!! Jo more jo, kjo u shfrytëzua për të korrur “ca pare nen dorë” . Yp Xhixhi
Jo, nuk funksionon kështu! Motorët e ujit nuk kanë punë atje ku ka njerëz, pleq dhe fëmijë. Ato mund të vihen në lëvizje vetëm në vende të caktuara, larg atyre që nuk kanë nevojë për motorët tuaj. Ai person që kërkon të paguajë për motorin tuaj, vjen në vëndin e caktuar nga policija dhe nuk futet në mes të njerëzve të tjerë. Nuk ka ndodhur asnjë aksident, thotë ky! Duhet të ndodhë aksidenti dhe pas kësaj të të gjykojmë në se ke të drejtë apo jo?! Rregullat largojnë aksidentin, prandaj ose caktoni dhe zbatoni rregullat, ose duhet të zhdukeni bashkë më ato motorë që merr jetë njerëzish.
Strukturat shtetërore,ato që e kanë për detyrë dhe paguhen,nuk duhet të punojnë me fushata,me aksion. Ata paguhen çdo ditë,ndaj duhet të punojnë me ngarkesë të plotë çdo ditë.
Mendoj se nuk ka plan,ose nëse ka,nuk zbatohet.
Metodat e kontrollit,marrjes së masave dhe vënjes së detyrave është shuar fare.
Këte e bën korrupsioni në të gjitha strukturat,prandaj ndodhin ngjarje dhe fenomene rë tilla.