Pronari i Chelsea Todd Boehly do të diskutojë të ardhmen e sulmuesit të Shqipërisë Armando Broja nisur nga interesimi i West Ham, Everton dhe Newcastle.
Tri klubet e Premier Ligës kanë kontaktuar për lojtarin kuqezi dhe janë në pritje të një përgjigjeje nga “blutë” e Londrës.
Sipas “Daily Mail”, miliarderi amerikan ka vendosur që të bisedojë me trajnerin Tomas Tuchel për të përcaktuar nëse Broja është pjesë e planeve të gjermanit për sezonin e ardhshëm.
Sezoni i shkuar ishte i suksesshëm për 20-vjeçarin, që i huazuar te Southampton realizoi nëntë gola në të gjitha kompeticionet.
Pas largimit të Romelu Lukakut tek Interi, opsionet e Tuchel për ofensivën janë Kai Havertz dhe Timo Verner, ndërsa tekniku synon të tjera përforcime. Klubet e interesuara janë të gatshme që të paguajnë 30 mln paund për kartonin e shqiptarit, që konsiderohet një investim me vlere.
o.j/dita
