Pronari i kompanisë ‘BanaKing’, Trifon Murataj është shpallur në kërkim, teksa janë vënë në pranga administratori Petrit Demishaj dhe 2 punonjësit e skanerit. Policia thotë se ka prova se këto persona në bashkëpunim me njëri-tjetrin kanë organizuar trafikimin e sasisë prej 33.5 kg kokainë nga Ekuadori në Shqipëri.
Policia ka vënë në pranga, Petrit Demishaj, i cili kishte si detyrë që të priste ngarkesën me banane në Portin e Durrësit, brenda së cilës ishte dhe sasia e kokainës. E ndërsa pjesë e këtij grupi ishin bërë edhe 2 punonjës të skanerit në Port, Alban Naziraj 48 vjeç (operator skaneri) si edhe Artur Sevdaraj 48 vjeç (imazhier skaneri).
Këto të fundit në bashkëpunim me njëri tjetrin ia dolën që të nxirrnin të pastër në skaner kontejnerin ku ishte sasia e drogës. Mirëpo, anti-droga shqiptare kishte pasur informacione për sasinë e drogës që kishte mbërritur, për këtë arsye bëri kontrolle fizike me qen, ku arritën të zbulonin kokainë e fshehur në 31 pako në 2 arka bananesh të ‘BanaKing’. Uniformat blu vijojnë punë kapjen e Trifon Murataj, pronarin e kompanisë Zico Sh.A që tregton banane nën emrin “Bana King”.
Trifon Murataj është administratori qëndror i Zico SHA. Ka objekt importin që ka të bëjë me bananet. Është nga Mallakastra. Ka nisur importin e bananeve në vitin 1991.
Ngarkesa është nisur në 20 shtator nga Porti “Puerto Bolivar” i Ekuador, 10 ditë më pas është ndalur në Panama, në portin ‘Cristóbal’. Destinacioni i radhës ka qenë Porti ‘Gioia Tauro’ në Itali ku anija ka qëndruar në këtë Port për 21 tetor. Në këtë datë, është nisur drejt Shqipërisë, ku ka mbërritur në Portin e Durrësit më 28 tetor, e ndërsa zbulimi i drogës është bërë, sot 3 nëntor.
Kjo nuk është hera e parë në kontejnerët me banane të Kompanisë ‘BanaKing’ është gjetur drogë. Rasti më i fundit ka qenë në korrik të këtij viti. Kontejneri me banane u gjet i hapur dhe u zbulua se mungonin rreth 50 arka, të cilat dyshohet se kishin kokainë. Episodet me drogë në Portin e Durrësit janë të shumta.
j.l./ dita
KËTA apo KËTO persona , pse shtrëmbërohet gramatika e gjuhës shqipe?Unë di që KËTO perdoret për sendet dhe KËTA përdoret për njerzit. Psh KËTO arka me banane apo KËTA arka me banane ?!
Bosi i Shqiperise e ju e vendosni ne kerkim. Ai eshte absolut njesh
Mundohesh te sqarosh se kur perdoret peremri deftor KETA e KETO,por as vete nuk je i qarte. Sipas teje arkat jane sende apo njerez? Pastaj KETA perdoret per gjinine mashkullore dhe KETO per gjinine femerore, keshtu fjala eshteshkruar drejt.
Këta – mashkullore, këto – femërore. Varët nga gjinia e emrit, jo a janë frymorë apo jofrymorë.