Komisioni Qendror i Zgjedhjeve ka publikuar relacionin për shpërndarjen e mandateve sipas qarqeve në varësi të numrit të popullsisë.
Në bazë të këtij propozimi të KQZ, Tiranës i shtohet një mandat duke shkuar në 37 mandate, ndërsa Korçës i hiqet një mandat duke shkuar në 10 mandate.
“Referuar kritereve dhe procedurës për caktimin e numrit të mandateve të përcaktuara në nenin 75, të Kodit Zgjedhor si dhe të dhënave të dërguara nga Drejtoria e Përgjithshme e Gjendjes Civile është llogaritur numri i mandateve për çdo zonë zgjedhore si më poshtë: Numri total i shtetasve 4627824 është pjesëtuar me numrin 140 të mandateve të Kuvendit, ku është përcaktuar numri 33056 si numri mesatar i shtetasve që i takojnë çdo mandati [numri real i dalë nga pjesëtimi është 33055,88571]. Numri i shtetasve për çdo zonë zgjedhore është pjesëtuar me numrin mesatar të shtetasve që i takojnë çdo mandati. Çdo zone zgjedhore i është caktuar një numër mandatesh i barabartë me numrin e plotë të përftuar nga ky pjesëtim. Pas këtij veprimi mbetën pa u shpërndarë edhe 7 mandate për të plotësuar numrin 140. Në bazë të nenit 75, pika 5, të Kodit Zgjedhor këto mandate u janë shpërndarë zonave zgjedhore (qarqeve) që kanë mbetjen më të madhe pas presjes zgjedhore, të numrit të përftuar nga pjesëtimi i mësipërm”, shpjegon KQZ.
j.l./ dita
Kjo tregon nje fitore e qeverise Rama.
Pra Korca eshte duke vdekur dhe ky sharlatan premton Korcen ta beje me ngrohje me gaz.
Cila kompani do te guxoje te hedhe para ne nje qytet qe ka me shume pleq pensioniste se te rinj?
Nuk e di ne ka ne Korce akoma te goditur ne tru te votojne per PS.
Me mire bojkot se votim.
Per PD -ne e Sali Berishes nuk mendoj se u cmend korcari te hedhe voten.
140 deputete jane shume per nje shtet me 2 milion banore. Partite nuk duhet te kerkojne lirimin e politikaneve kryekriminele e kryehajdute, por lirimin e salles se Kuvendit te Shqiperise te pakten nga 40 deputete, edhe 100 jane shume.