Kryeministri Edi Rama ka folur për protestën e qytetarëve dhe festën e 35-vjetorit të Partisë Socialiste, të cilat pritet të zhvillohen në të njëjtën orë.
Rama u shpreh se aktivitetet festive të PS-së janë planifikuar shumë kohë më parë dhe nuk kanë lidhje me zhvillimet e fundit, duke theksuar se data 12 qershor, si ditëlindja e partisë, nuk mund të ndryshohet.
Ai shtoi se situata nuk duhet interpretuar si përplasje politike, por si pjesë normale e jetës demokratike në vend.
“Më vjen shumë keq por së pari kemi planifikuar të gjithë këto muaj, kohë më përpara se të shfaqej kjo protestë. 12 qershori është lindja e PS, nuk e spostonin dot ditëlindjen se ka protestë. Ora është e përshtatshme për faktin se nuk jemi më në temperaturat e mëparshëm dhe nuk mund tu kërkoj njerëzve të mblidhen në pikë të diellit. Ne do të mbarojmë shumë me shpejt. Nuk ka këtu as provokim, as përballje, kjo është jeta demokratike”, tha ai.
j.l./ dita
