Gazeta DitaGazeta DitaGazeta Dita
Njoftime Shfleto më tepër
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Duke lexuar: Protesta shqiptare, nuk ngjan me të tjerat…
Shpërndaje
Gazeta DitaGazeta Dita
Font ResizerAa
  • Kreu
  • Opinion
  • Politikë
  • Ekonomi
  • Bota
  • Kronikë
  • Sport
  • Kulturë
  • Histori
  • Kendi i Kryeredaktorit
  • Investigim
  • Dita TV
  • Kopertina
  • Arkiva
  • RRETH NESH
Kerko
  • Kreu
  • Lajmi i fundit
  • Kryesore
  • Aktualitet
  • Analiza
  • Politike
  • Ekonomi
  • Kronike
  • Opinion
  • Kendi i Kryeredaktorit
  • Bote
  • Sport
  • Dita TV
  • Lifestyle
  • Enciklopedi
  • Europa/Analize
  • Histori
  • Kendi i Kryeredaktorit
  • Komunitet
  • Kopertina
  • Kulture
  • Kuriozitete
  • Metropol
  • Shendetesi
  • Teknologji
  • Telebingo
  • Televizion
  • RRETH NESH
Sign In
Na ndiqni
Gazeta Dita > Blog > Kryesore > Protesta shqiptare, nuk ngjan me të tjerat…
KryesoreLajmi i funditopinion

Protesta shqiptare, nuk ngjan me të tjerat…

Published: October 22, 2026
Shpërndaje

Nga PANO HALLKO

Arsyet që prodhojnë revoltat shoqërore kudo qoftë, nuk janë të pakta. Por njëri nga justifikimet e asaj që vetëquhet klasë politike në Tiranë, është edhe ky: -“Epo ja, në gjithë Europën, madje në perëndim të saj, protesta zhvillohen”…

Kjo shprehje në dukje e pafajshme shtrihet valë-valë, deri edhe tek ata që protestojnë. Në fakt, është krejt e kundërta. Asnjë lloj ngjashmërie, nuk ka protesta shqiptare me ato që zhvillohen në Europë, në asnjë nivel.

- Publicitet -

NJËMIJË ARSYE PERËNDIMORËT DHE...

E për të vërtetuar këtë, duhet të citojmë se çfarë thonë perëndimorët për protestat që kanë në vendet e tyre.
Në gazetën franceze “Monde” datë 17 tetor, njerëzit deklarojnë se…

“Ne luftojmë kundër një kapitalizmi të pa fre dhe të pa shpirt, kundër pabarazisë ekstreme. Të gjitha padrejtësitë kundër të cilave luftojmë ne, mishërohen plotësisht në figurën e Makronit”…

Por drejtuesit e shteteve e komentuan secili në funksion të qëllimeve të tyre dhe të politikave që kanë shpallur dhe zbatojnë. I pari, presidenti i SHBA deklaroi përmes “Truth Social”:

-“Franca digjet” për shkak të emigrantëve që vijnë nga kultura të ndryshme”. Dhe vazhdoi duke thënë: “Mbyllini kufijtë tuaj dhe merrni kontrollin në dorë, përpara se të jetë vonë”…

Në mbështetje të tij, edhe zëvendës presidentit De Vans, shtoi: -“Liberalët perëndimorë importonin “botën e Tretë” në Francë, në emër të gjithë përfshirjes dhe të dhembshurisë”…

Janë në “të drejtën” e tyre ata, sepse në gallup-e janë në rënie të lirë. Dhe Franca u ofron një rast të mirë, të shpalosin politikën e tyre të rreptë që kanë ndjekur kundër emigrantëve.

Kurse në kontinentin plak, i pari kryeministri i Hungarisë nuk e la t`i shpëtojë nga dora rastin, për të deklaruar:

-“Përballë kësaj katastrofe dhe dhunës së pa justifikueshme, ndoshta tani është e qartë për të gjithë arsyeja përse Hungaria mbështet pozicionimin më të ashpër ndaj çështjes së emigrantëve”…

Vetëm se nuk duhet të harrojmë që Franca dhe Hungaria janë dy vende që kanë lidhje krejt të ndryshme me emigracionin. Për shumë arsye, ndonjë prej të cilave mund ta cekim në këtë analizë.

Franca është një vend me shumë kultura (raca-thotë Lë Bon-i), vend me të kaluar koloniale, i cili mbas luftës së Dytë botërore u mbështet në afrikanët frëngjisht folës, për rindërtimin e tij. Shpërthimet shoqërore dhe ngjarjet në rrethinat e saj, nuk janë të vërshimeve të afërme të emigrantëve, por të qytetarëve francezë të brezit të dytë dhe të tretë të emigrantëve. Shpërthimet e tyre, lidhen me probleme social-ekonomike dhe me lënien e tyre në periferi nga shteti.

Kurse Hungaria nuk pati kurrë probleme thelbësore të ngulimeve të përhershme të emigrantëve, ngaqë ajo funksionon si vend tranzitor drejt Europës qendrore dhe veriore. Madje as Kremlini që është në luftë, nuk e humbi rastin t`i paraqitë trazirat si “tregues të dobësimit të Perëndimit”.

Ministria e jashtme e Iranit, akuzoi zyrtarisht Francën, për …-“Shkelje flagrante dhe në shkallë të gjerë të të drejtave të njeriut”… Mesa duket, Irani ka “harruar” se si i shtypi para pak vitesh, demonstratat e tij.

Kurse Roma i shton xhandarmërisë edhe nja 500 ushtarë, e vazhdon të formulojë paketa ligjore shtrënguese, të cilat do t`ia nisë në pdf me email, edhe aleatit të saj në Tiranë.

Athina nuk ka lidhje me perëndimin në këto drejtime, sepse i ka edhe më të mprehta sesa Franca ato probleme. Por edhe në Athinë e kanë ndezur motorin protestat.

…ÇFARË TJETËR, DUHEJ TË NDODHTE KËTU?

Për mbi trembëdhjetë vjet, njerëzit me logjikë pak mbi mesataren, teksa shikonin kryeministrin e Tiranës që bënte si “zorra në prush”, pyesnin veten dhe njëri-tjetrin:

-“Ore, çfarë ka ky kështu? Ky, të gjithë llojet e pushteteve (se për institucione nuk bëhet fjalë këtu), i ka në dorë. Gjithë ata që firmosin bordero në këtë vend, që nga 1-shi dhe gjykatat e prokuroritë, e deri tek patronazhisti më i fundit, “i ka në bukë”. Po çfarë dreqin ka? Pse të mos jetë “këngë e valle” me miletin ky? Çfarë i mungon këtij, që shan, fyen dhe denigron një popull të tërë, harxhon miliarda për të shkatërruar opozitën, bërtet, nuk është i qetë, ku i “dhemb dhëmbi” këtij”?..

Deri sa para katër muaj e disa ditë, kur nisi protesta e “flamengove” siç e mbiquajtën me sarkazëm, realizoi demonstrimin më qytetar jo vetëm në Tiranë, por edhe në Europë. Edhe lule u dhuronin njerëzit policëve, madje pastronin edhe bulevardin nga letra që mund të kishin rënë aty.

Shqiptarët në këtë protestë, kanë edhe “një” (ndoshta edhe njëqind) arsye më shumë nga europianët, për t`u ngritur. Sepse është në fuqi, pyetja në nëntitullin më sipër: -Vërtet, çfarë tjetër do duhet të ndodhë në një vend, që qeveria (cilado qoftë ajo), të dorëhiqet? Më saktë, a ka mbetur ndonjë institucion në këmbë në këtë Shqipëri, e cila me mundim të madh, përpiqet të vetëquhet edhe shtet?

Sepse togfjalëshin “qeveria vjedh”, nuk e shpikën protestuesit. Ata e mësuan nga Spak-u me dosjet që ai ka hapur ndër vite, e që ende i mban në sirtarë. Por edhe të dhënat në shtypin e përditshëm, Spak-u i ka hedhur. Pra, ajo Gjykatë speciale luan me dy porta, sepse ata luten mbase ikën kryeministri, që të mund ta marrin të pandehur..

Shqipëria, vetëm një problem që kanë shtetet e sipërcituar, nuk e ka. Shqipëria nuk ka disa kombe popullatën e saj, siç ka Parisi, Athina, e ndonjë tjetër. Ka një komb monolit, pa përjashtuar pakicat, të cilat gëzojnë dhe vuajnë si çdo shqiptar, “mrekullitë” e sektit që “qeveris” këtu. Ky problem që ne nuk e kemi, është një luks i vërtetë. Mirëpo “prijësit tanë”, kanë 36 vjet, që luajnë me zorrët e tyre.

Kjo shprehje vjen nga shekujt, qysh atë ditë kur një foshnjë që ende nuk ishte ngritur më këmbë, diku rreth vatrës së zjarrit gjeti një thikë buke dhe me të çau disa herë barkun e tij. Kur erdhën prindërit, i kishin dalë zorrët jashtë dhe foshnja luante me to, madje duke qeshur dhe qarë njëherësh. Kështu po luajnë shqiptarët me zorrët e tyre, që vetë i kanë nxjerrë jashtë, e as që kanë ndërmend të merren vesh, Tiranë-Prishtinë-Shkup. Paguhet gjithë kjo kosto e tmerrshme, sepse nuk dëshirojmë të ndërtojmë shtet, ose më saktë bëjmë sikur ndërtojmë shtet.

Për 36 vjet, shqiptarët nuk kanë pasur shtet mbas shpatullave të tyre as brenda vendit, e as në mërgim ku ndodhet shumica e tyre. Jemi të vetmit që nuk ndjehemi krenarë për faktin që jemi shtetas të shtetit shqiptar, pikërisht sepse ky i fundit, është i gjatë munguar. Kurse në perëndim ku dëshirojmë të shkojmë, njerëzit ndjehen krenarë për pasaportën që mbajnë në xhep.

Vjen dhe rëndohet kjo gjendje e shqiptarëve edhe më shumë, kur ata shohin se përpara syve të tyre po ndërmerren Akte qeveritare (e jo shtetërore), për të realizuar edhe “transfuzionin” e popullatës. Akte që, në emër të përrallave të sajuara keqas, po stiset një lloj “Historie” false, se… “bazat e qytetërimit në vendin tonë na i paskan krijuar ca popuj të tjerë”. Popuj, shtetet e të cilëve kanë tendenca invadimi apo zgjerimi, në trojet shqiptare.

CENOHET “SIGURIA KOMBËTARE”!!!...

Këto 10 ditë që ka shpërthyer protesta studentore, segmente të qeverisë, por edhe çinovnikë të mirë paguar prej saj si “analistë” nëpër emisione të stisura në ekranet antishqiptare, paraqesin edhe një pretekst të “tmerrshëm” sipas tyre: -“Protesta na cenon sigurinë kombëtare”! Lind pyetja: -Po cilën “siguri”, e cilën “kombëtare”?!?

A ka mbetur më, ndonjë segment i qeverisjes së këtij vendi, pa pasur dosjen në Spak, për abuzime të tmerrshme me fondet e këtij vendi? Për çfarë sigurie kombëtare mund të bëhet fjalë, kur ndërmarrja shtetërore numër një (se institucion nuk mund ta quaj), e cila paguhet shtrenjtë nga taksat e këtij populli të varfër, i fik radarët e shtetit në emër të realizimit të epsheve seksuale?!?

Në të gjithë botën (përveçse në Shqipëri), armiku numër një i sigurisë kombëtare dhe burimi i krimit është korrupsioni, vjedhja e taksave të popullit dhe fondeve të tjera.

Kur ndjek lajmet e kronikës, burimet qeveritare raportojnë se “kishte kaq të plagosur nga policët (pra “tanët”), e kaq të plagosur nga të rinjtë”(pra nga “armiku”). Kronika të tilla shkruhen në luftë, ku secila palë ndërluftuese, raporton për dëmet e saj në trupa. Ato lajme, thonë se “kaq të vrarë mbetën nga ana jonë, e x të vrarë nga pala armike”! Patjetër që në luftë bëhet propagandë duke ulur numrin e të vrarëve “tanë”, e duke rritur numrin e të vrarëve nga forcat “armike”. Kurse propaganda qeveritare, bën të kundërtën. Rrit numrin e “viktimave” në radhët e policisë, e ul numrin e viktimave të dhunës në radhët e protestuesve….

Po në Tiranë, cilat palë armike luftojnë me njëra-tjetrën? Policia e shtetit, me rininë shqiptare? Fatkeqësisht, është fakt i pamohueshëm dot, se policia nuk është e shtetit, por e pushtetit të radhës. Kjo traditë ogurzezë buron që nga karrigia e ministrit (i cili dihet se nga kush urdhërohet), zbret tek ajo e drejtorit të përgjithshëm (i cili dihet se si “përzgjidhet”), e deri tek më i fundit me uniformë. Dhe kështu ”institucionet”, por për fat të keq edhe një pjesë jo e vogël e njerëzve (atyre të borderosë), akuzojnë të rinjtë shqiptarë që janë ngritur në protestë…

Lind pyetja: Përse, a ka ndonjë arsye që i riu shqiptar të qëndrojë “urtë” e të mos ngrihet?!? Shkruesi i këtyre radhëve do ishte i fundmi që do “duartrokiste” për shkatërrimin e kioskave private, apo të xhamave të zyrave. Sepse është tjetër gjë, që të të shkatërrojë nervat kryeministri me propagandën e rëndomtë, e tjetër gjë të shkatërrosh kioskat, si pasuri private. Sepse në analizë të fundme, dyqankat e vogla nuk përfaqësojnë kapitalizmin e pa shpirt, e as padrejtësinë për pabarazi ekstreme. Ato janë dyqane të njerëzve të thjeshtë, të cilët i punojnë për të mbijetuar.

…Në gazetën franceze “Monde” datë 17 tetor, njerëzit deklarojnë se… “Ne luftojmë kundër një kapitalizmi të pa fre dhe të pa shpirt, kundër pabarazisë ekstreme. Të gjitha padrejtësitë kundër të cilave luftojmë ne, mishërohen plotësisht në figurën e Makronit”…

Kurse për studentët dhe për popullin opozitar në Shqipëri, padrejtësitë kundër të cilave ata luftojnë, mishërohen plotësisht në figurën e Edvinit. Kaq e vështirë është që dikush, cilido qoftë ai, të lëshojë karrigen në të cilën është ngërthyer prej afro 14 vjetësh?!?

Thuhet se… “Njeriu ka kohë të turpërohet, deri edhe 5 minuta para vdekjes”. Patjetër që po, sepse duke dhënë shpirt, mund të lerë një fjalë të keqe, të ndyrë… E pikërisht ajo i mbetet atij në “CV”-në e tij, çfarëdo veprash që të ketë bërë në jetë…

Thonë se, kjo është në fuqi, edhe për pushtetarët e gjatë qëndruar në fron…

DITA

 

Shpërndaje këtë artikull
Facebook Email Printo
30 Comments
  • ISMAIL says:
    October 22, 2026 at 9:02 pm

    i mirënjohuri Pano çuditem, si nuk po shkruan si dikur.

    Reply
  • Zani says:
    October 22, 2026 at 10:02 pm

    Shqipëria nuk ka probleme të multikulturalizmit apo integrimit të emigrantëve si Franca apo vendet e tjera. Problem ynë është ‘nxjerrja e zorrëve tona’, pra shpopullimi i vendit nga vetë shqiptarët për shkak të keqqeverisjes.
    Kjo është tragjedia jonë reale.
    Po eshte bere formulë tani sa herë behet muti mullar “keshtu e ka bota”

    Reply
  • Emigranti says:
    October 22, 2026 at 10:36 pm

    Çdo vend ka specifikat e veta. Edhe në Francë protestuesit akuzojnë drejtpërdrejt presidentin për ‘autokrací’ apo pabarazi. Përpjekja për ta paraqitur krizën shqiptare si diçka unike dhe pa asnjë ngjashmëri me revoltat europiane i heq protestave tona kontekstin global të pakënaqësisë ndaj elitave.

    Reply
  • Vlora 97 says:
    October 23, 2026 at 6:16 am

    Sa her u ndodhin skandale keta te riqindjes e kanë në gojë: keshtu ndodh gjith boten.
    A thua se e keqja esht me pak e keqe keshtu.

    Po pse nuk marrin shembull t mirat e botes qe nuk jane pak??

    Shikoni socializmin e shendetshem te vendeve nordike.

    tentojmë ta krahasojmë veten me Perëndimin vetëm kur i intereson pushtetit për t’u justifikuar.

    Hajd sikter me gjith ta

    Rac snobash, legena, nje dekad e gjysem ne pushtet perfunduan duke rrahur kalamajt

    Reply
  • Zhaneta MEHILLI BRAHO says:
    October 23, 2026 at 6:18 am

    E lexova me vemendje kete analize perle te profesor PANO HALLKO
    NUK KA VEND PER PRESJE SEPSE I KA VENE PIKEN .NDJEK SI PATRIOTE ME INTERES ECURINE E VENDIT TIM.,,POR DUKE QENE DHE QYTETARE E PERENDIMIT DHE E BOTES KUPTOJ QE: NE RADHE TE PARE ESHTE NJE KRIZE GLOBALE FARA E KEQE ISHTE ARDHJA NE FUQI E NJE PSICOPPATI BONJAK ME TONIN ,,TRUMPI DHE INTELIGJENZA ARTIFICIALE

    LUFTA E TRUMP QE VET VENDOSI PER VENEZUELEN ,,,
    QE HAPI LUFTE IRANIT , QE MBYLLI HORMUSIN [ DHE KJO E RRITI KRIZEN GLOBALE EKONOMIKE

    LUFTA QE I HAPI PUTIN – UKRAHINES PREJ 5 VJETESH
    ,,QE PAGUAJME PER ARMATIMIN E SAJ
    GENOCIDI I IZRAELIT NE GAZA….
    MELONI FASHISTE ,QE FILLIMISHT MBANTE KEMBET NJEREN NE OCIDENTE E TJETREN NE BRUKSEL…..TE GJITHA KETO POLITIKA EKSTREME TE DJATHTA KANE NGRITUR POPUJT NE KEMBE .

    MUNGON E MAJTA PER CESHTEN SOCIALE
    PIKE
    POPUJT JANE JETIM
    VIJME TEK KRYEMINISTRI[ DIKTATOR YNI]]

    SKRAPALINJTE THONE: HIC NGA ANA — VUR NE MES

    ASGJE NUK KA NDRYSHUAR
    PERKUNDRAZI .
    NUK E MOHOJME DOT POOOOR NE DiKTATUREN pare cdo GJE PRODHOHEJ BRENDA DHE EKSPORTONIM
    MBAS 90 – ES CDO GJE MORI EREN E TYMIT DHE STERROI AKOMA ME SHUME SHPIRTIN E EDI RAMES

    ATYYY NUK EKZISTON SHTETI
    ESHTE NJE PIRAMIDE KU NE KRYE ESHTE KRYEMINISTRI DHE POSHTE TIJ ” JANE ALETET” QE AI I PAGUAN NE FUNKSION TE TIJ

    PIKEC

    ATY QARKULLON VETEM LEKU I ZI
    CMIMET NUK KONTROLLOHENB
    SHERBIMI MJEKESOR SI NE AMERIKE

    KUSH NUK KA …KA TE DREJTE TE VDES
    ATY NUK PATI KURRE SINDIKATA TE FREJTOHEJ POPULLI NE GREVA QYTETARE
    ANARSHI

    EDI RAMA SI NETANIAHU TANI ESHTE NE RRETH ME TE KUQE

    I VDEKUR QE MERR FRYME
    ESHTE VEGEL NE DUART E PESHKEVE PERENDIMORE
    PA EVROPA ” NUK KA ME DHEMBE”
    ASHTU SIC ANALIZON PROFESORI ME RAST KU TE GJITHE SHTETET NE KRIZE SOT NXJERREN SI MOTIV” IMIGRANTET ” QE AS KJO NUK QENDRON POOOOR SHQIPERIA E KA TE LIGEN BRENDA

    AI E KA SHITUR SHQIPERINE
    ASGJE ATY NUK PRODHOHET
    POPULLI HA THERRIME OSE KUSH NDIHMOHET ME NDONJE QINDARKE NGA TE AFERMIT ” E PASUR ” JASHTE

    ESHTE PER TE THENE SHUME POOOR PO E MBYLL ME PAK???
    CFARE DO NDODHE ME SHQIPERINE??
    A KOLONI DO TA BEJNE TRUMPI

    A DO EKZISTOJE.ME SHQIPERIA ?????
    ME VJEN KEQ POOOR NUK SHOH ALTERNATIVA TE BRENFSHME

    VENDI ESHTE NE RREZIK

    36 VJET ME PARE IKEM DHEVU BEME SKLLEVER TE BOTES POOOOR TANI KAZANI BOTEROR PO ZIEN PER VETE

    U BEFTE ME E MIRA

    ME RESPEKT TE THELLE ANALISTIT PANO HALLKO

    NFJE

    Reply
  • Detari says:
    October 23, 2026 at 6:27 am

    Ngjan shume. Ashtu si dhe protesta e flamingos dhe kjo u kompromentua nga muslimane. Ashtu si vdiq protesta e flamingos ashtu po bdes dhe kjo. Elementi musliman/islamik eshte shkaku. Zeri i protestes tani jane ato arabet e mbuluara dhe meshkujt arabe qe rrine pas.

    E urrej ramen por me mire cifute ne albanistan se turkarabe dhe xhami.

    Reply
  • L says:
    October 23, 2026 at 6:41 am

    Po, protesta shqiptare, nuk ngjan me te tjerat!
    Protesta shqiptare, vjen nga thellesia e zemres e trishtuar, nga shpirti i dhunuar, nga zorret e ngaterruara e te nxjerra ne ankand per te luajtuar te tjeret.
    E kam shkruar qe ne fillim, pasi lexova nje artikull tek ajo faqja propaganduese, qe quhet “ gazeta tema”… vec tema eshte e goditur ne kete togfjalesh, gazetaret bejne tema hartimi me nje teme te percaktuar qe me pare nga propaganda.
    Presidenti Macron dhe presidente Meloni kane pak ngjashmeri me njeri tjetrin dhe akoma me pak me politikanet tane.
    Mbi te gjitha, nuk diskutohet qe si Presidenja Meloni dhe po ashtu Presidenti Macron jane Patriot dhe e duan vendin dhe popullin e tyre.
    Mund ti kritikosh per shume gjera, por nuk mund te thuash qe jane o dalin kunder interesave kombetare.
    Kjo eshte pike kyc!
    Korrupsioni mund te egzistoje dhe ne keto vende, por ne krahasim me shqiperine eshte i paperfillshem.
    Kostoja e jetes ne krahasim me rrogat, po ashtu nuk krahasohet.
    Cilesia e atsimit, shendetesise, sigurise, jetes kulturore e sociale, po ashtu nuk krahasohen.
    Sjellja e policise edhe ndaj emigranteve qe mund te ushtrojne dhune, nuk krahasohet me dhunen e policise ndaj femijeve te nje gjaku me ta.. Shqiperia eshte nje grusht, ata qe ngrejne doren mbi femijet shqiptare, jane gjakprishur dhe do te pergjigjen nje dite.. ne mos para ligjit, para femijeve te tyre e para Zotit!

    Reply
  • Faik says:
    October 23, 2026 at 6:51 am

    Teoria se po realizohet një ‘transfuzion popullsie’ apo Histori e rreme për ardhjen e popujve të tjerë kalon në kufijtë e konspiracionit. Shqipëria, si çdo vend i rajonit, preket nga lëvizjet globale të punës dhe demografia, pa pasur nevojë të krijohen përralla për invadime.

    Reply
  • K R says:
    October 23, 2026 at 6:55 am

    Ketu ne SHBA nese dikush te hyn ne shteoi dhe te vjedh, ke te drejte ta vrasesh.
    Kur Ramët e Balluwrt behen hajdut dhe te vjedhin taksat eshte e njejta gje.
    Studentët dhe të rinjtë nuk kanë pse të qëndrojnë urtë. Kur shohin se vendi po zbrazet dhe se e ardhmja e tyre po tjetërsohet nga vendimmarrje arritjesh false, revolta e tyre edhe me ca diegie kazanesh është reagimi më qytetar i mundshëm.
    Por nuk jam dakors me autorin per Spakun.
    ​
    Të akuzosh SPAK-un se po mban dosjet në sirtar apo luan me dy porta është me vend vetëm pjesërisht. Sot po goditen figura të larta të pushtetit si asnjëherë më parë në 30 vjet. Mediat duhet të mbështesin drejtësinë e re , jo ta vënë në dyshim punën e saj për qëllime politike.

    Reply
  • KRAHINARIZMAT says:
    October 23, 2026 at 8:07 am

    Shiptarët kanë diçka tjetër që krahinarizmat dhe bajraktarizmat kurrë në histori nuk kan sulmu kombe tjera por me të tjerërt kan sulmu njeri tjetrin që ende vazhdon jam i sigurt se Sali Berisha edhe sot si ai bashkmendimtari i tij Elez Biberaj do të kërkonte agresion ushtarak ndaj shqiptarëve në Kosovë non- stop që nga paraqitja publike mbi 80% ka vazhdu dhe ende vazhdon ta sulmojnë ma shum lidershipin e UÇK dhe nese ata pyeten 80% e tyre janë pro që të gjithë luftarët e lirisë me ma dëshir kishin me i dorzu në Serbi që atje të vareshin se në Hagë
    Kurse në Europë e kundërta çdo herë tentojnë që në pushtete të sjellin ata që të huajin e përndjekin

    Reply
  • Zija Bahja says:
    October 23, 2026 at 8:56 am

    Në pendë e mprehtë prej mendje pozitive sociologu , është normale të nxjerrë një perlë gazetareske, që gjithkush e lexon jo thjesht me kërshëri, por futet thellë në mendime. Urime i nderuar Pano! Urime gazetës Dita, që gjendet pranë dhe me Shqetësimet e Popullit!

    Reply
  • mendim mbi realitetin qe shohe says:
    October 23, 2026 at 9:11 am

    Interpretimi dhe argumentat jane plot edhe te protestoshe edhe te mos demtoshe, por reagimi i nje pjese te njerzeve si dhe shkrimi me permbajtjen nuk trajtojne me seriozitet dhe ne thelb çeshtjen; eshte nje ngutje per tu shprehur me bindjen qe ke ose aresyen qe do te vendose çdo kush per ate qe do te beje. Nuk duan te kuptojne se kapitalizmi ky ka qene dhe eshte me ngritjet dhe uljet e tij, por ne e kemi marre si si fushe futbolli kur ne fakt ai eshte nje portokalle ne duarte e atij qe ka pushtetin dhe qe ti vete ja jep me voten tende fallco apo te bindur. Protestat ne Europe eshte e vertete qe i bejne te ardhurit, plangprishesit e shtepise tyre qe nuk i mbajti dhe pastaj marrin formen demokratike dhe ne fund o beni si themi ne, ose ne ju shkaterrojme. KJo eshte demokracia?! Po votimet pse behen dhe pranohen?! Në Shqiêri vertete ka nje veça,nti : injornaca dhe mos dija qe ka dale sheshit dhe kjo nuk eshte vetem tek rinia qe eshte kthyer ne rrote gomari per te ndertuar familjen, si mund te ndertoje shtetin?, Degjova nje pedagog mbreme ne nje tv dhe me erdhi per te vjelle me sjelljen dhe njohjen qe kish vete, merre me mend se sa marrin dhe çfare marrin studentet nga ai pedagog. Ky eshte brumi shqiptar sot dhe kjo peme keto kokrra do beje. Nuk eshte puna se jane te varfer, por injorante, dembela dhe çfrytezojne lirine qe e kane kthyer ne çthurje. Shteti kushdoqofte duhet ti frenoje se nuk u kane borç te tjeret. Nuk bie kurre dakort me keto qe ndodhin, jane krime qe po te vazhdojne do te ngrene vetegjyqesite shqiptare te dikurshme sepse dhe SPAK, prokurore e gjykates jane ne nje linje me ta duke mos e bere detyren karshi kushtetutes dhe popullit. Kujdes keni mendim te gabuar dhe jeni ne rrugen e gabuar. Pushtetin ta jep vota, ndryshe anarshia. Atje bejeni protesten ne çdo forme dhe mos e lejoni ta marri pushtetin ne se vjedh. Kjo rruge eshte rruge hajdutash me maska. Kapitalizmi ka vote dhe ekonomi tregu, konkurence. Kush del jashte saj e peson.

    Reply
  • Phoenix says:
    October 23, 2026 at 10:13 am

    E majta Internacionale Revolucionare ( Progresiste ), eshte nje levizje e cila eshte krijuar, organizohet dhe financohet nga Bankieret qe jane pika kontrolluese dhe ekzekutive e Kultit Global dhe axhendes se tij afatgjate. Kjo eshte e verteta. Por kjo bote eshte e mbipopulluar me budallenj, te indoktrinuar dhe te manipuluar, te cilet perdoren pa e kuptuar dhe vete, se po ja fusin se pari vetes por dhe gjeneratave qe vijne, duke i sherbyer indirekt me veprimet e tyre dhe ne injorancen e tyre Kultit dhe axhendes se tij antinjerezore. Sa here degjoni fjalet Revolucion, Barazi, Diversitet, Komunitet, ndryshim etj etj brockulla, dijeni se pas tyre jane ata qe permenda me siper. Kaq.

    Reply
  • Phoenix says:
    October 23, 2026 at 10:46 am

    Nuk besoj ta postoj komentin moderatori i Thanos, se kohet e fundit me keto ” protestat ” progresiste ka filluar pak nga vicklat. Kur nuk i pelqejne komentet editorialit ai perdor shume taktika qe ti varrosi. I editon e i shkruan vete, e degdis artikullin e komentit nga faqja e pare ne vende te padukshme ne faqe per te ulur vizibilitetin, e fshin duke u justifikuar si koment jo etik, ose thjesht nuk e poston fare.

    Reply
    • E lëshoi dhe fëndiksi fjalën që fënd says:
      October 26, 2026 at 8:29 am

      Po për çfarë vizibiliteti prallis o shpifës ordiner, njeri i ulët, gagaç. Po tani që ti postoi të dyja jashtëqitje gojore rreth kultit të globhales, për çfarë tjetër do e akuzosh akoma moderatorin? Kemi mbi 15 vite këtu dhe dje nga të vetmit që kapesh me çikërima. Kjo dëshmon se je shumë i vogël në mendje e në shpirt. Mundohu sa të duash ta shpërqendrosh thelbin e debatit në gps, por kurrë s’e manipulon dot lexuesin. Je shumë pallë për atë punë. Psikiatria ta ka rezervuar shtratin. Shko e paraqiu atje se po të presin.

      Reply
    • E lëshoi dhe fëndiksi fjalën që fënd says:
      October 26, 2026 at 8:41 am

      Po ti s’ke faj se do moderatorin e temëdhjerës që të sorollat, të telendis e s’të poston as edhe një gërmë, se aq meriton. Kur s’të pëlqen pse ngunjohesh këtu a na çan karrradaken? Hidhu ke mjerani i pështanit, bëhu dhe ti lapurak, sahanlëpirës me pagesë. Ose shko në Dubai dhe bëje si ato eskortat që hapnin gojën dhe mbllaçiteshin me tulluma sheiku.

      Reply
  • Anonymous says:
    October 23, 2026 at 10:47 am

    Kush rrwzon shtetin,bien nwn germadhat e tij

    Reply
  • Lexues says:
    October 23, 2026 at 11:28 am

    Mendimtarë dhe komentues,
    Po Tirana pse të digjet e të grabitet? Se është qyteti më i bukur i venxdit dhe na dhembin sytë ta shohim ashtu? Kjo protestë përfshin të paktën katër kategori: moshën mbi 25 vjeç pa parti që janë të punësuar apo të papunësuar, nxënësit dhe studentët, militantët e PD-së dhe të partive të vogla, islamikët dhe keqblrësit.
    Nga këta të parët kanë të drejtë të protestojnë për padrejtësitë dhe vështirësitë që u krijon sistemi ku njeriu për njeriun është ujk. Studentët dhe nxënësit kanë teorikisht të protestojnë, po ç’pakënaqësi iu krijua që ditën e dytë të mësimit apo për nxënësit tiranas që janë në shkolla 80% ndërtesa moderne? Këta s’kanë formuluar asnjë kërkesë konkrete as me gojë e as me shkrim, veç të ikë Edi Rama. Militantët e PD-së dhe të partive të tjera përfitojnë nga rrëmuja për të kërkuar përmbysje të qeverisjes në tavolinë. Islamikët urrejnë Edi Ramën se ka lidhje me Izraelin, duke harruar se ky Edi Rama ua tha copë në Tel Aviv se Izraeli është në teh të thikës! Keqbërësit përfitojnë nga rasti për të djegur e vjedhur pronën private, të inkurajuar nga të katër kategoritë e mësipërme, që i shohin keqbërësit si kalorës të betejës kundër Ramës. Pra, nga urrejtja kundër Ramës, djegin Tiranën. Kësaj i thonë për inat të sime vjehrre vete e fle me mullixhinë.

    Reply
  • Laver Stroka says:
    October 23, 2026 at 12:10 pm

    E lexova me nje frame duke njohur mire autorin si nje lab me atdhetari dhe dituri rrezatuese plot vlera. Po kete duhet ta beje cdo atdhetar i vertete, jo te hedhe zjarrit benzine duke dale ne mbrojtje te shkaktarit te “VDEKJES SE QEVERRISE PREJ HAJDUTERISE DHE TRADHETISE NDAJ KOMBIT” Rofte REVOLUCIONI POPULLOR KOMBETAR SHQIPTAR! Rrofte rinia heroike! Rrofte Shqiperia e Re! Poshte fashizmi!

    Reply
  • L says:
    October 23, 2026 at 1:20 pm

    Per autorin lab: nuk ju njoh, por artikulli me pelqeu dhe me behet qejfi qe jeni nga Laberia patriote.
    Per phoenix: e mendoj si ju per sa u perket te majtava progresiste dhe globaliste..
    Me vjen alergjia kur degjoj fjalet qe permendet me siper.
    Hélas, eshte e vetmja gje qe mund te lidh keto situata, si nga ana e politikaneve dhe nga ajo e aktivisteve.
    Effeti i globalizmit, si te gjitha gjerat qe perfundojne me izma: komunizem, nazizem, fashizem etc, eshte i demshem per cdo shtet, por effekti destabilizues dhe brutal eshte sidomos ne kombet e vogla si i yni.
    Te merren e pse jo edhe te kopjohen te mirat nga perendimi e lindja bashke, jo te imitohen si majmuna cirku vec te keqijat.

    Reply
  • L says:
    October 23, 2026 at 1:54 pm

    U bera kurioze per autorin e kerkova te njoh pakez. Pashe fotografine e tij dhe e ka te shkruar ne balle karakterin e labit nga lumi i Vlores. Ju pershendes e ju uroj gjithe te mirat!

    Reply
  • Shpetim Spahiu says:
    October 23, 2026 at 5:50 pm

    Analiza shpreh me forcë, kthjelltësi dhe argumente atë që shumë shqiptarë mendojnë e ndiejnë, ajo shkon përtej një proteste politike; prek thelbin e problemit shqiptar: mungesën e shtetit të së drejtës, dobësimin e institucioneve, korrupsionin dhe mungesën e përgjegjësisë politike e morale të pushtetit

    Veçanërisht i fortë është mesazhi se protesta nuk cenon sigurinë kombëtare; përkundrazi, korrupsioni, abuzimi me pushtetin dhe shkatërrimi i besimit te institucionet janë kërcënime të vërteta për të ardhmen e vendit.

    Reply
  • demo says:
    October 24, 2026 at 12:07 am

    Me ne fund e gjeti Armikun e TE GJITHEVE-ANTIFA!
    Rama nuk eshte vetem.Ka Armiq,pikerisht Armikun e Amerikes-Iranin.Ka Armiq Armikun e BE-Rusine.
    Nuk mund ta ule nivelin tek populli shqiptar,qe asnje Force madhore ne Bote nuk e llogarit per Armik.
    Keshtu revolta e nje populli te tere kunder vjedhje,shitjes se Trojeve,Korrupsionit te TIJ,fashitet topitet,,sepse ANTIFA po i ve zjarrin Parisit,Milanos,Portugalise,,qe nuk kane lidhje me korrupsionin..
    Po e shet Revolten popullore si nje Epidemi Boterore,Si Kovidi kinez.

    Reply
  • Sulltanati EDrogan i haremit te Ballukeve says:
    October 24, 2026 at 6:29 am

    Protesta shqiptare nuk ngjan me te tjerat, madje eshte unike sepse :
    Drejtohet kunder nje pushteti absolut te nje njeriu te vetem qe edhe pse i kane dale 2 zevendeskryeministra hajdute, nje cete ministrash e kryebashkiakesh hajdute, Kreu i SHISH me shale hapur te i kerkuari nga Drejtesia..kerkon te rrije ne maje te pushteteve deri kur vdekja ta marre.

    Reply
  • Mersin says:
    October 24, 2026 at 9:37 am

    O njerez. Eshte normale qe ne cdo kohe nje pjese e shoqerise te kete kerkesa ndaj qeverise. Nuk eshte normale qe nje pjese me numra shume te vogela qe kane mbushur sheshet te pretendojne se jane ata qe duhet te vendosin vete qeverine. Shprehja te Ike Kryeministri ne vet vete kur thuhet ne biseda eshte normale, sepse ka shume njerez qe jane kunder veprimtarise se qeverise dhe nuk e duan Kryeministrin. Por Deklarata Duhet te IK PATJETER se Keshtu themi NE eshte tragijike dhe komike. PSE duhet te IKE, sepse ekonomia po rritet cdo vit sipas te dhenave europiane, sepse ne jemi ne prag te hyrjse ne BE, sepse korupsioni po luftohet edhe brenda qeverise qe seshte luftuar kurre, se sherbimet jane permisrsuar, se ndertimet pa leje jane ndaluar, etj etj. per kto duhet te ik. Per kto qeverai duhet te rri jo te ik. Ata qe e kerkojne me padurim qe te ik. Te presin sa te mbaroje mandatin. Pastaj mos ta votojne. Ky eshte RREGULLI.

    Reply
  • Mandati Popullor. says:
    October 24, 2026 at 10:08 am

    O Analiste, opinoniste, etj etj.

    Po boll o se na e shpifet, po late nam duke ju lutur

    Rames te ik,

    Po boll o cfar tju them. Se NUK IKEN PIKE>

    Hipni ne qiell, a zbrisni ne toke, hani inat, o vrisni veten, thyeni koken pas murit, beni cte doni, se: NUK IKEN PIKE.
    Hani pyka apo shani… Ka mandat te ligjshem nga POPULLI.

    Reply
  • Odessa says:
    October 24, 2026 at 10:12 am

    O Shpetim. Ti thua ska drejtesi, ska institucione, etj etj.

    Po ku i di ti.

    Europa qe ka instutucione qe i kontrollon dhe teston, thote qe i ka.

    Reply
  • Albani says:
    October 24, 2026 at 10:14 am

    Algoritmi i Gazetes Dita.

    Eshte si programi i makinave te fatit.

    Nuk lejon te publikohet gjithshka.

    vecanerisht ato qe kane mendim ndryshe, Nga ARTA.

    Reply
  • Vojsava Hallkoj-stefi says:
    October 24, 2026 at 5:59 pm

    Shkrim dinjitoz qe pasqyron realitetin e sotem te protestave studentore ndaj qeverisjes socialiste kriminale te EDI RAMES. Protesta ka agravuar ne perplasje te forta midis rinise (perfshi ate studentore) ,qytetareve te moshave te ndryshme ( te cilet jane nga njerez me te vuajtur,te neperkembur por patriot qe e duan shqiperine dhe mund te sakeifikojne per te) dhe duhet thene se mbas rreth 130 diteve te protestes paqesore,agravoj per sjelljet anormale te kryeministrit karagjoz e percemues i popullit te vete
    Ne keto rrethana pergjegjesia per rrezimin e kesaj qeverie te korruptuar ne c’do gjymtyre te saj , bie kryesisht mbi QENDRIMIN E VAKET TE ALEATEVE perndimor e pertej oqeanit. MBI S.P.A.K.-un qe nuk mer guximin te perballet ligjerisht me kreret e te keqes (PS/PD) ; Mbi ate pjese te ndershme te DEPUTETEVE TE PARLAMENTIT SHQIPTAR (ne se ka…) si dhe mbi DREJTUSIT E POLICISE SHQIPTARE. Medjat dhe disa institucjone te tjera kane rol dytesor por mjaft te rendesishem.
    Autori i shkrimit eshte per tu pershendetur per kete analize krahasuse

    Reply
  • E lëshoi dhe fëndiksi fjalën që fënd says:
    October 26, 2026 at 8:31 am

    Po për çfarë vizibiliteti prallis o shpifës ordiner, njeri i ulët, gagaç. Po tani që ti postoi të dyja jashtëqitjet gojore rreth kultit të globhales, për çfarë tjetër do e akuzosh akoma moderatorin? Kemi mbi 15 vite këtu dhe ti je nga të vetmit që kapesh me çikërima. Kjo dëshmon se je shumë i vogël në mendje e në shpirt. Mundohu sa të duash ta shpërqendrosh thelbin e debatit në gps, por kurrë s’e manipulon dot lexuesin. Je shumë pallë për atë punë. Psikiatria ta ka rezervuar shtratin. Shko e paraqiu atje se po të presin.

    Reply

Leave a Reply Cancel reply

Your email address will not be published. Required fields are marked *

Lajmi i Fundit

  • Shenja në qafë, plagë në shpatull dhe fytyrë, BBC publikon ekspertizën private: E mbytën nga pas, Epstein nuk kreu vetëvrasje
  • “Siguroni ujë, ushqim dhe ilaçe për 72 orë”! Pse ky urdhër, për çfarë duhet të jemi të përgatitur
  • Ndërron jetë papritur vëllai i ish-deputetit
  • E RËNDË: Përplaset me fadromën në autostradën Fier-Vlorë, humb jetën kreu i Antikrimit të Vlorës
  • Dy dokumenta arkivore që tregojnë se babai i Pavarësisë nuk ishte një aktor naiv

Komentet e Fundit

  1. Kiri on Kryeministri i Shqipërisë bën batuta në Bruksel me gangstera rusë dhe lodra kineze
  2. anti25642654censurë on Veton Surroi, akuza të rënda për Baton Haxhiun: Lidhja me shërbimin serb, Shqipëria refuzoi shtetësinë (misteri i vilës në Golem)
  3. anti25642654censurë on Diçka që vërtetë të dëshpëron
  4. ANA on VIDEO: Një këngë nacionaliste serbe kundër Kosovës interpretohet në Forumin e Zgjerimit të BE
  5. Nje mik qe te do te miren on Peshku në det, tigani në zjarr

Kategori

Merr te rejat më të fundit

Ndiqni Gazeta Dita duke vendosur emailin tuaj më poshtë dhe do të njoftoheni për të rejat më të fundit

[mc4wp_form]

Gazeta DitaGazeta Dita
© Copyright Gazeta Dita 2012. Të gjitha të drejtat e rezervuara



Welcome Back!

Sign in to your account

Username or Email Address
Password

Lost your password?