Një nga emrat e njohur të PD, Fatbardh Kadilli, shprehet mosbesues ndaj protestave të zhvilluara prej opozitës. Sipas tij, opozitës i mungojnë idetë e reja.
“Është e qartë se një opozitë që thërret një protestë për të rrëzuar qeverinë dhe nuk ia del, nuk e ka realizuar qëllimin e saj. Prandaj unë nuk besoj te këto protesta, këto protesta nuk përfaqëson qytetarët, këto më tepër janë personat e strukturave të PD nëpër qytete”, tha Kadilli.
Më tej ai ka shtuar se protesta e PD është pa nerv dhe opozita duhet të japë zgjidhje dhe alternativë.
“Opozita duhet të japë propozimin e ri politik. Unë për këtë shqetësohem, jo se sa persona erdhën dhe sa jo. Unë kam mbështetur çdo protestë edhe kur nuk kam qenë dakord për objektivin politik të protestës dhe kur nuk ka qenë e ndershme.
Ne na duhet opozita, kjo lloj proteste nuk e prodhon opozitën, opozita do vlera të reja, ide të reja. Nëse këto mungojnë atëherë bëjë sa të duash dhe nuk ka rezultat”, u shpreh Kadilli.
m.b./dita
